വൈക്കം:വൈക്കം നഗരസഭ, കൃഷിഭവൻ എന്നിവയുടെ സംയുക്താഭിമുഖ്യത്തിൽ ലോക നാളികേര ദിനാഘോഷവും തെങ്ങിൻ തൈ നടീലും നടത്തി. അയ്യർകുളങ്ങര ഗവൺമെൻ്റ് യുപി സ്കൂളിൽ നഗരസഭ ചെയർമാൻ അബ്ദുൾ സലാംറാവുത്തർ സ്കൂൾ വളപ്പിൽ നാല് വർഷത്തിനകം കായ്ഫലം ലഭിക്കുന്ന ഹൈബ്രീഡ് തെങ്ങിൻ തൈ നട്ട് നാളികേര ദിനാഘോഷം ഉദ്ഘാടനം ചെയ്തു. തെങ്ങിൽ നിന്ന് ലഭിക്കുന്ന വിവിധ വസ്തുക്കൾ ഉപയോഗിച്ച് വിദ്യാർഥികൾ തയ്യാറാക്കിയ ഉൽപന്നങ്ങളുടെ പ്രദർശനവും നടന്നു
പിടിഎ പ്രസിഡൻ്റ് ഇ.ജി.സാബു അധ്യക്ഷത വഹിച്ചു.നഗരസഭ വികസന സ്റ്റാൻഡിംഗ് കമ്മറ്റി ചെയർമാൻ ബി. രാജശേഖരൻ , മുൻചെയർപേഴ്സണും നഗരസഭ കൗൺസിലർമാരുമായ ഡി രഞ്ജിത്കുമാർ, രേണുകരതീഷ്, നഗര സ കൗൺസിലർ ഗിരിജകുമാരി, സ്കൂൾ ഹെഡ് മിസ്ട്രസ് അമ്പിളിജയൻ, സ്റ്റാഫ് സെക്രട്ടറി സതീഷ് വി.രാജ്, കൃഷി ഉദ്യോഗസ്ഥരായ മെയ്സൺമുരളി, സിജി തുടങ്ങിയവർ പങ്കെടുത്തു.
