മലപ്പുറം: ബാങ്കില് നിന്നും പണം പിൻവലിച്ചു പുറത്തിറങ്ങിയ യുവാവിനെ ആക്രമിച്ച് പണം കവർന്ന സംഭവത്തില് മറ്റൊരു യുവാവ് പിടിയില്.
യുവാവിന്റെ കൈയില് ഉണ്ടായിരുന്ന 9.95 ലക്ഷം രൂപയാണ് കവർന്നത്. സംഭവത്തില് നാട്ടുകല്ല് കൊടക്കാട് സ്വദേശി പനങ്ങാട്ട് തൊടി മുഹമ്മദ് ഷാഫിയെയാണ് പ്രത്യേക അന്വേഷണസംഘം അറസ്റ്റ് ചെയ്തത്. 23 വയസ്സ് കാരനാണ് ഷാഫി. അമരമ്പലം സൗത്ത് കിഴക്കേ പാലാമഠം സ്വദേശി കുമ്മാളി ഫിറോസിന്റെേതായിരുന്നു പണം.
ബാങ്ക് ഓഫ് ബറോഡയ്ക്ക് മുന്നിലാണ് അതിക്രമം നടന്നത്...
അതേസമയം കവർന്ന പണം ഹവാലാ ഇടപാടുമായി ബന്ധപ്പെട്ടതാണ് എന്നാണ് പോലീസിന്റെ പ്രാഥമിക സംശയം.തിങ്കളാഴ്ച രാവിലെ 11:45യോടെയാണ് സംഭവം. മലപ്പുറം ജില്ലയിലെ നിലമ്പൂർ ജില്ലാ ആശുപത്രി റോഡിലെ ബാങ്ക് ഓഫ് ബറോഡയ്ക്ക് മുന്നിലാണ് അതിക്രമം നടന്നത്. ഫിറോസ് ബാങ്കില് നിന്നും 9.95 ലക്ഷം രൂപ പിൻവലിച്ചു പുറത്തിറങ്ങിയപ്പോള് ഇത് കാത്തു നില്ക്കുകയായിരുന്നു നാലാംസംഘമാണ് ഇയാളെ ആക്രമിച്ച് പണം അടങ്ങിയ പൊതി തട്ടിയെടുത്ത് കാറില് കയറി രക്ഷപ്പെടുകയായിരുന്നു
ആക്രമണത്തില് ഫിറോസിന്റെ കൈക്ക് പരിക്കേറ്റതായും റിപ്പോർട്ട്.അതേസമയം ഫിറോസിന്റെ ബാങ്ക് അക്കൗണ്ടുമായി ബന്ധപ്പെട്ട ഇടപാടുമായി ബന്ധപ്പെട്ട സംശയങ്ങളാണ് പോലീസ് മുന്നോട്ട് വയ്ക്കുന്നത്. ഇയാളുടെ ബാങ്ക് അക്കൗണ്ട് ഇടപാടുകള് വാടകയ്ക്ക് എടുത്തതാണെന്നാണ് പോലീസിന്റെ സംശയം. അക്കൗണ്ടിലേക്ക് എത്തുന്ന പണം കമ്മീഷൻ എടുത്ത ശേഷം പുറത്തു കാത്തുനില്ക്കുന്നവർക്ക് കൈമാറാനായിരുന്നു നിർദ്ദേശം ലഭിച്ചതെന്നാണ് സൂചന.
എന്നാല് പണം മുഴുവനായി തട്ടാൻ ശ്രമിച്ചതോടെയാണ് ബാങ്കിന്റെ മുന്നില് വച്ച് ആക്രമണവും പിടിച്ചുപറിയും ഉണ്ടായിരുന്നതാണ് പോലീസ് നല്കുന്ന പ്രാഥമിക സൂചന. പണത്തിന്റെ ഉറവിടം? ആരാണ് അയച്ചത്? എന്തിനാണ് തുടങ്ങിയ വിവരങ്ങളൊക്കെ പോലീസ് ഇപ്പോള് അന്വേഷിച്ചു കൊണ്ടിരിക്കുകയാണ്





