കോട്ടയം: ഈ വർഷത്തെ ജില്ലാതല ഓണാഘോഷപരിപാടികള് ആഗസ്റ്റ് 24 മുതല് 28 വരെ നടക്കും. വിനോദസഞ്ചാര വകുപ്പിന്റെ ആഭിമുഖ്യത്തില് ജില്ലാ ഭരണകൂടവും ജില്ലാ ടൂറിസം പ്രൊമോഷൻ കൗണ്സിലും (ഡി.ടി.പി.സി.) നഗരസഭയും സംയുക്തമായാണ് ഓണാഘോഷപരിപാടികള് സംഘടിപ്പിക്കുന്നത്.
ഓണാഘോഷവുമായി ബന്ധപ്പെട്ട് ഡി.ടി.പി.സി ചെയർമാൻ കൂടിയായ ജില്ലാ കളക്ടർ ചേതൻ കുമാർ മീണയുടെ അദ്ധ്യക്ഷതയില് യോഗം ചേർന്നു. ഓണാഘോഷം-2026 നോടനുബന്ധിച്ച് കലാ- സാംസ്കാരിക പരിപാടികള് അവതരിപ്പിക്കുന്നതിന് താല്പര്യമുള്ള സംഘടനകള്, കലാകാരന്മാർ തുടങ്ങിയവരില് നിന്ന് താല്പര്യപത്രം ക്ഷണിച്ചു. താല്പര്യപത്രങ്ങള്/അപേക്ഷകള് 14ന് വൈകിട്ട് അഞ്ചിനകം നല്കണം.
