തൊടുപുഴ: പ്രകൃതിയുടെ മനോഹാരിതയും ജൈവവൈവിധ്യവും കൊണ്ട് സഞ്ചാരികളെ ആകർഷിക്കുന്ന തൊമ്മൻകുത്ത് ഇക്കോ ടൂറിസം കേന്ദ്രത്തിന് പുതിയ വികസന പ്രതീക്ഷകള്.2005ല് ആരംഭിച്ച തൊമ്മൻകുത്ത് വനസംരക്ഷണ സമിതി ആദ്യഘട്ടത്തില് നിരവധി വികസന പ്രവർത്തനങ്ങള് നടത്തിയിരുന്നുവെങ്കിലും കൊവിഡ് കാലത്തിനുശേഷം പ്രവർത്തനങ്ങളില് പ്രതീക്ഷിച്ച പുരോഗതി ഉണ്ടായിട്ടില്ല.ഒരുക്കുന്നതിനുള്ള നടപടികള് ഉടൻ സ്വീകരിക്കും.
കൂടാതെ ഒന്നര കോടിയിലധികം രൂപ ചെലവില് ഏഴുനിലക്കുത്ത് വരെ സ്റ്റോണ് പാകുന്ന പദ്ധതി, കുട്ടികള്ക്കായുള്ള വിനോദ സൗകര്യങ്ങള്, പവലിയൻ ഉള്പ്പെടെയുള്ള അടിസ്ഥാന സൗകര്യ വികസനം എന്നിവയും പരിഗണനയിലുണ്ടെന്ന് ഫോറസ്റ്റ് അധികൃതർ അറിയിച്ചു.
തൊമ്മൻകുത്തിന്റെ വിനോദസഞ്ചാര സാധ്യതകള് പരമാവധി പ്രയോജനപ്പെടുത്തി കൂടുതല് സഞ്ചാരികളെ ആകർഷിക്കാനും അതുവഴി പ്രദേശത്തിന്റെ സാമ്പത്തികവും പ്രാദേശികവുമായ വികസനത്തിന് വഴിയൊരുക്കാനുമാണ് ലക്ഷ്യമിടുന്നത്.
തൊമ്മൻകുത്ത് വനസംരക്ഷണ സമിതിയുടെ വാർഷിക പൊതുയോഗം ജില്ലാ പഞ്ചായത്തംഗം മനോജ് കോക്കാട്ട് ഉദ്ഘാടനം ചെയ്തു. ഡിവിഷൻ റേഞ്ചർ ടോമിൻ ജെ. അരഞ്ഞാണി, ഡെപ്യൂട്ടി റേഞ്ചർ സലിം ടി.കെ., ഫോറസ്റ്റ് ഓഫീസർമാരായ പി.എൻ. ജയൻ, ബിജു എസ്. എന്നിവർ സംസാരിച്ചു.
പുതിയ ഭാരവാഹികളായി ബാബു വാഴവര പ്രസിഡന്റായി ഒൻപതംഗ കമ്മിറ്റിയെയും തിരഞ്ഞെടുത്തു.





