പാലാ : പാലാ കുടുംബശ്രീ സിഡിഎസിൽ എഫ്എൻഎച്ച്ഡബ്ല്യൂ പ്രോഗ്രാമിന്റെ ഭാഗമായി 'സമൃദ്ധി 2026 ആരോഗ്യ കർക്കിടകം' പരിപാടി സംഘടിപ്പിച്ചു. പരിപാടിയുടെ ഭാഗമായി ബോധവൽകരണ ക്ലാസും പോഷകാഹാര പ്രദർശനവും നടന്നു.
പാലാ നഗരസഭ ആക്ടിങ് ചെയർപേഴ്സൺ മായ രാഹുൽ ആണ് പരിപാടി ഉത്ഘാടനം ചെയ്തത്. സിഡിഎസ് ചെർപേഴ്സൺ സതി ശശികുമാർ ചടങ്ങിൽ അധ്യക്ഷത വഹിച്ചു. കമ്മ്യൂണിറ്റി കൗൺസിലർ റീന സ്വാഗതം പറഞ്ഞു.
പാലാ ഗവണ്മെന്റ് ആയുർവേദ ആശുപത്രിയിലെ ഡോക്ടർ അർച്ചന ലുസി ജോയ് കർക്കിടകത്തിലെ ആരോഗ്യ പരിപാലനവും ചികിത്സകളും എന്നാ വിഷയത്തെക്കുറിച്ച് ക്ലാസ്സ് എടുത്തു. വൈസ് ചെർപേഴ്സൺ ലീലാമണി ഗിരീഷ്, ആരോഗ്യ സ്റ്റാൻഡിങ് കമ്മിറ്റി ചെർപേഴ്സൺ രജിത പ്രകാശ്, കൗൺസിലർ ലിസികുട്ടി മാത്യു എന്നിവർ പങ്കെടുത്തു.
എല്ലാ സിഡിഎസ് അംഗങ്ങളും പരിപാടിയിൽ പങ്കെടുത്തു. മെമ്പർ സെക്രട്ടറി ഉമേഷിത പിജി കൃതജ്ഞത പറഞ്ഞു.
