പൃഥ്വിരാജ് സുകുമാരനും പാര്വതി തിരുവോത്തും ഒന്നിച്ച ത്രില്ലര് ചിത്രം 'ഐ, നോബഡി' ഒടിടിയിലേക്ക്. നിസാം ബഷീര് സംവിധാനം ചെയ്ത ചിത്രം ജിയോ ഹോട്ട്സ്റ്റാറിൽ ആഗസ്ത് 25ന് സ്ട്രീമിങ് ആരംഭിക്കും.
അപകടകരമായ ഒരു ക്രിമിനൽ സാഹചര്യത്തിൽ അകപ്പെട്ടതിനെത്തുടർന്ന് ജീവിതം താറുമാറാകുന്ന ഒരു സാധാരണ സർക്കാർ ജീവനക്കാരനായ രാജീവന്റെ കഥയാണ് ഐ, നോബഡി. പൃഥ്വിയാണ് രാജീവനെ അവതരിപ്പിക്കുന്നത്. പാര്വതി തിരുവോത്താണ് ഭാര്യയുടെ വേഷത്തിലെത്തുന്നത്.
ഹക്കിം ഷാജഹാൻ, അശോകൻ, വിജയരാഘവൻ, മധുപാൽ, ശങ്കർ രാമകൃഷ്ണൻ, നക്ഷത്ര, ഐറാ, നിഷാന്ത് സാഗർ, നന്ദു, നൗഷാദ് ബോംബെ, ജിജോയ് രാജഗോപാൽ, ഖാലിദ് റഹ്മാൻ, സഞ്ജു ശിവറാം, സുധി കോപ്പ, ബീന ചന്ദ്രൻ, സന അൽതാഫ്, കൃഷ്ണൻ ബാലകൃഷ്ണൻ, ദിനേശ് ആലപ്പുഴ,
റോണി വർഗീസ്, മനോജ് കെയൂ, ഇർഷാദ് അലി, സുധി കോഴിക്കോട്, മഹേന്ദ്രൻ, ആൽബിൻ അലക്സ്, ജിതിൻ മദനൻ തുടങ്ങിയ പ്രമുഖ താരങ്ങളും ഈ ചിത്രത്തിൽ അഭിനയിച്ചിട്ടുണ്ട്.
