തിരുവനന്തപുരം: ലഹരിക്കെതിരായ കേരള പൊലീസിന്റെ ഓപ്പറേഷന്‍ തൂഫാന്റെ ഭാഗമായി സംസ്ഥാനത്ത് ഇതുവരെ 14,939 പേരെ അറസ്റ്റ് ചെയ്തു.
കഴിഞ്ഞ ദിവസം 53 കേസുകളിലായി 61 പേരെ കൂടി അറസ്റ്റ് ചെയ്തതോടെ ആകെ കേസുകളുടെ എണ്ണം 13,842 ആയി.
ഓപ്പറേഷന്റെ ഭാഗമായി ഇതുവരെ 28,460.503 ഗ്രാം എംഡിഎംഎ, 1,894.758 കിലോഗ്രാം കഞ്ചാവ്, 7,259.352 ഗ്രാം ഹാഷിഷ് ഓയില്‍, 673.066 ഗ്രാം ഹെറോയിന്‍, 463.700 ഗ്രാം ചരസ് എന്നിവ പിടിച്ചെടുത്തു.
കഴിഞ്ഞ ദിവസം രജിസ്റ്റര്‍ ചെയ്ത കേസുകളില്‍ ചെറിയ അളവില്‍ ലഹരിവസ്തുക്കള്‍ കൈവശം വെച്ചതിന് 29 കേസുകളും ഇടത്തരം അളവില്‍ കൈവശം വെച്ചതിന് നാല് കേസുകളും വാണിജ്യ അളവില്‍ കൈവശം വെച്ചതിന് രണ്ട് കേസുകളും ഉള്‍പ്പെടുന്നു.
എന്‍ഡിപിഎസ് ആക്‌ട് പ്രകാരം 18 കേസുകളും കോട്പ (COTPA) പ്രകാരം 26 കേസുകളും രജിസ്റ്റര്‍ ചെയ്തു.
ഈ കേസുകളുമായി ബന്ധപ്പെട്ട് 82.698 ഗ്രാം എംഡിഎംഎ, 6.273 കിലോഗ്രാം കഞ്ചാവ്, അഞ്ച് ഗ്രാം ഹാഷിഷ് ഓയില്‍, 8.12 ഗ്രാം ഹെറോയിന്‍, 1.40 ഗ്രാം ചരസ് എന്നിവയും പിടിച്ചെടുത്തു.
