കോട്ടയം: ചങ്ങനാശേരി പോലീസിന്റെയും, ജില്ലാ ലഹരി വിരുദ്ധ സ്‌ക്വാഡിന്റെയും സംയുക്ത ഓപ്പറേഷനിൽ
എം ഡി.എം.എയുമായി ചങ്ങനാശേരി സ്വദേശികളായ രണ്ടു യുവാക്കൾ അറസ്റ്റിൽ.
ചങ്ങനാശ്ശേരി അങ്ങാടി ഭാഗത്ത് കോട്ടക്കൽ വീട്ടിൽ സോണി റോയ് (23), ചങ്ങനാശേരി കാക്കാംതോട് ഭാഗത്ത് അറുപറയിൽ വീട്ടിൽ എബി വർഗീസ് (26) എന്നിവരാണ് പിടിയിലായത്.
ഇവരിൽ നിന്നും വിൽപ്പനയ്ക്കായി സൂക്ഷിച്ച 0.685 ഗ്രാം എം ഡി.എം.എ യും പിടിച്ചെടുത്തു.
ചങ്ങനാശേരി ഭാഗത്തെ ലഹരി വിൽപ്പന സംഘത്തിലെ പ്രധാന കണ്ണികൾ ആണെന്ന് പോലീസ് പറഞ്ഞു.
ദീർഘ നാളത്തെ നിരീക്ഷണത്തിനോടുവിൽ പള്ളി പെരുന്നാളിന്റെ മറവിൽ ലഹരി കച്ചവടം നടത്തുന്നതിന്റെ ഇടയിൽ പിടിയിലായത്.
സോണി റോയ് 2023 ൽ ആലുവയിൽ 4 കിലോ കഞ്ചാവു പിടിച്ച കേസിലെ പ്രതി ആണ്.
ചങ്ങനാശേരി ഡി വൈ എസ് പി ആഷാദ്, സി. ഐ അനിൽ ജോർജ്, എസ്. ഐ അഖിൽ വിജയകുമാർ എന്നിവരുടെ നേതൃത്വത്തിൽ ആയിരുന്നു അറസ്റ്റ്.
