കുമരകം : വാഹന തിരക്കേറിയ റോഡിലുള്ള കുമരകം ബോട്ടുജെട്ടി പാലത്തിന്റെ സംരക്ഷണ ഭിത്തിയുടെ കൽക്കെട്ട് ഇളകി പാലത്തിന് ബലക്ഷയം ഉണ്ടായതായി പരാതി.
പാലത്തിന്റെ വടക്കേകരയുടെ അടിഭാഗത്തെ കൽക്കെട്ടാണ് തകർന്നു കൊണ്ടിരിക്കുന്നത്. വർഷങ്ങൾക്ക് മുമ്പ് വഴിക്ക് വീതി ലഭിക്കാനായി കൽ കെട്ട് ഒതുക്കി സ്ലാേപ്പ് കുറച്ചു പണിതതാണ് ബലക്ഷയം ഉണ്ടാകാൻ കാരണമെന്നാണ് മുതിർന്നവർ പറയുന്നത്.
കോണത്താറ്റ് പാലം തുറന്നതോടെ വലിയ ഭാരവാഹനങ്ങൾ ഇടതടവില്ലാതെ ജെട്ടി പാലത്തിലൂടെയും പായുകയും ചെയ്യുന്നത് അപകടസാധ്യത വർദ്ധിപ്പിക്കും. അധികൃതർ എത്രയും വേഗം കൽകെട്ട് നന്നാക്കി ശാശ്വത പരിഹാരം കാണണമെന്നാണ് നാട്ടുകാരുടെ ആവശ്യം
