കോട്ടയം : നഗരത്തിലെ സസ്യ മാർക്കറ്റ്, എംജി റോഡ് അടക്കം പ്രധാന വ്യാപാര മേഖലയിലെ അസഹ്യമായ തെരുവുനായ ശല്യം ഇല്ലാതാക്കുവാൻ അടിയന്തര നടപടി സ്വീകരിക്കണമെന്ന് വ്യാപാരി വ്യവസായി സമിതി കോട്ടയം ഏരിയ സമ്മേളനം ആവശ്യപ്പെട്ടു.
കോടിമത സർവീസ് സഹകരണ ബാങ്ക് ഓഡിറ്റോറിയത്തിൽ നടന്ന സമ്മേളനം വ്യാപാരി വ്യവസായി സമിതി ജില്ലാ സെക്രട്ടറി ജോജി ജോസഫ് ഉദ്ഘാടനം ചെയ്തു. രാജേഷ് കെ മേനോൻ ആണ് ചടങ്ങിൽ അധ്യക്ഷത വഹിച്ചത്.
സെക്രട്ടറി പിഎ അബ്ദുൾ സലിം പ്രവർത്തന റിപ്പോർട്ട് അവതരിപ്പിച്ചു. സെബാസ്റ്റ്യൻ കെവി, മനോജ് കെആർ, ഷാൽ കുമാർ, വികെ അശോകൻ എന്നിവർ ചടങ്ങിൽ സംസാരിച്ചു.
ഭാരവാഹികൾ : രാജേഷ് കെ മേനോൻ (പ്രസിഡൻറ്)
പിഎ അബ്ദുൽ സലിം ( സെക്രട്ടറി)
ഷാൽ കുമാർ (ട്രഷറർ)
