വൈക്കം: ഭാരതീയ വിദ്യാനികേതന്‍ കോട്ടയം ജില്ലാ കലോത്സവം 'സര്‍ഗവസന്തം 2026 ' ചാല പറമ്പ്‌ വിവേകാനന്ദ വിദ്യാമന്ദിറില്‍ നടന്നു.
ചലച്ചിത്ര സംവിധായകന്‍ ജി. മാര്‍ത്താണ്ഡന്‍ ഉദ്ഘാടനം നിര്‍വഹിച്ചു. ഭാരതിയ വിദ്യാനികേതന്‍ ജില്ലാ പ്രസിഡന്റ്‌ പി. വേണുഗോപാല്‍ അദ്ധ്യക്ഷത വഹിച്ചു. വി.ആര്‍. ചന്ദ്രശേഖരന്‍ നായര്‍ , മഞ്‌ജു പ്രസാദ്‌, ലളിതാംബിക ടീച്ചര്‍, എം.ജി.സോമനാഥ്‌, പി.എസ്‌. ഹരിദാസ്‌ എന്നിവര്‍ പ്രസംഗിച്ചു. വിവേകാനന്ദ വിദ്യാമന്ദിര്‍, ചാലപ്പറമ്പ്‌ എസ്‌.എന്‍.ഡി.പി.യു.പി സ്‌കൂള്‍ എന്നിവിടങ്ങളില്‍ ഒരുക്കിയ ഏഴ്‌ വേദികളിലായാണ്‌ മത്സരങ്ങള്‍ നടത്തുന്നത്‌.
19 വിദ്യാലയങ്ങളില്‍ നിന്നായി ഏകദേശം 2,000 വിദ്യാര്‍ഥികള്‍ 95 ഇനങ്ങളില്‍ മല്‍സരിക്കുന്നുണ്ട്‌. പ്രാഥമിക്‌, ബാല, ശിശു, കിഷോര്‍ എന്നീ നാല്‌ വിഭാഗങ്ങളിലായാണ്‌ മത്സരങ്ങള്‍. ഇന്ന് വൈകുന്നേരം 5 ന്‌ നടക്കുന്ന സമാപന സമ്മേളനം കെ. ബിനുമോന്‍ എം.എല്‍.എ ഉദ്ഘാടനം ചെയ്യും. വിജയികള്‍ക്കുള്ള സമ്മാനദാനവും എം.എല്‍.എ. നിര്‍വഹിക്കും.
