എരുമേലി: വാഴക്കാല–ആമക്കുന്ന് പ്രദേശങ്ങളെ ബന്ധിപ്പിച്ച് പുതിയതായി നിർമ്മിച്ച പാലം ഇന്ന് (സെപ്റ്റംബർ 18) വൈകിട്ട് നാലിന് പൊതുജനങ്ങൾക്കായി തുറന്നുനൽകും.
പൂഞ്ഞാർ എം.എൽ.എ അഡ്വ. സെബാസ്റ്റ്യൻ എം. ജെ. പാലം പൊതുജനങ്ങൾക്ക് സമർപ്പിക്കും.
പൊതുസമ്മേളനത്തിൽ എരുമേലി ഗ്രാമപഞ്ചായത്ത് പ്രസിഡന്റ് അമ്പിളി സജീവൻ അധ്യക്ഷത വഹിക്കും.
മുൻ എം.എൽ.എ അഡ്വ. സെബാസ്റ്റ്യൻ കുളത്തുങ്കൽ ചടങ്ങിൽ വിശിഷ്ടാതിഥിയായി പങ്കെടുക്കും.
ത്രിതല പഞ്ചായത്ത് അംഗങ്ങളായ ആശാ ജോയി, സാറാമ്മ എബ്രഹാം, അഡ്വ. സൂര്യകല പി.ജി. എന്നിവരും രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖരും ചടങ്ങിൽ പങ്കെടുക്കും.
വാർഡ് മെമ്പർ നാസർ പനച്ചി സ്വാഗതം ആശംസിക്കും.
പുതിയ പാലം യാഥാർഥ്യമാകുന്നതോടെ വാഴക്കാല–ആമക്കുന്ന് പ്രദേശങ്ങളിലെ ഗതാഗത സൗകര്യം കൂടുതൽ മെച്ചപ്പെടും.
