കുമരകം: കോട്ടയം ജില്ലയിലെ പ്രമുഖ ബലിതർപ്പണകേന്ദ്രമായ കുമരകം ശ്രീകുമാരമംഗലം ക്ഷേത്രത്തിൽ കർക്കിടകവാവിനോടനുബന്ധിച്ച് വിപുലമായ ഒരുക്കങ്ങൾ പൂർത്തിയായി.
ആഗസ്റ്റ് 12 ന്
രാവിലെ 5മണിക്ക് ബലിതർപ്പണ പൂജകൾ ആരംഭിക്കും.
ക്ഷേത്രം തന്ത്രി ബ്രഹ്മശ്രീ എരമല്ലൂർ ഉഷേന്ദ്രൻ തന്ത്രിയുടെയും മേൽശാന്തി ഷൈൻ ശാന്തിയുടെയും മുഖ്യ കാർമികത്വത്തിലാണ് ബലിതർപ്പണ ചടങ്ങ് നടക്കുന്നത്.
ആയിരക്കണക്കിന് ഭക്തജനങ്ങൾക്ക് ഒരേ സമയം ബലിയർപ്പിക്കുന്നതിനുള്ള സൗകര്യം ഒരുക്കിയിട്ടുണ്ട്.
ക്ഷേത്ര പരിസരത്ത് വെള്ളക്കെട്ട് ഉണ്ടായിരുന്ന ഭാഗങ്ങളും ,മൈതാനവും കുളിക്കടവും ശുദ്ധീകരിച്ച് മണൽ വിരിച്ച് വെടിപ്പാക്കിയിട്ടുള്ളതാണ്.
വാഹനത്തിൽ വരുന്ന ഭക്തജനങ്ങൾക്ക് പാർക്കിംഗ് സൗകര്യവും ഒരുക്കിയിട്ടുണ്ട്.
ഭക്തജനങ്ങൾക്ക് യാതൊരുവിധപ്രയാസങ്ങളും ഉണ്ടാകാത്ത വിധമുള്ള ക്രമീകരണങ്ങളാണ് ദേവസ്വം കമ്മറ്റി ഏർപ്പെടുത്തിയിരിക്കുന്നത്.
ഭക്തജനങ്ങളെ സഹായിക്കുന്നതിന് പോലീസ്, ഫയർഫോഴ്സ് ,എസ്പിസി ,എൻസിസി, എന്നിവയുടെ സേവനം ഏർപ്പെടുത്തിയിട്ടുള്ളതാണ്.
ബലിതർപ്പണം നടത്തുന്നതിനാവശ്യമായ പൂജാദ്രവ്യങ്ങൾ ക്ഷേത്രം തന്ത്രിയുടെ മേൽനോട്ടത്തിൽ ശ്രീകുമാരമംഗലം ദേവസ്വം വനിതാ സംഘംതയ്യാറാക്കിയിട്ടുള്ളതാണ്.
കർക്കിടക വാവുബലി പൂജയിൽ പങ്കെടുക്കുന്ന ഭക്തജനങ്ങൾക്ക് ആവശ്യമായ ചുക്കുകാപ്പി, ലഘു ഭക്ഷണം എന്നിവ ക്രമീകരിച്ചിട്ടുള്ളതായി ദേവസ്വം പ്രസിഡണ്ട് എ കെ ജയപ്രകാശ് അറിയിച്ചു.
