കൊച്ചി: കളമശേരിയില്‍ കൂട്ടമാനഭംഗത്തിന് ഇരയായ വീട്ടമ്മ, ക്രിമിനല്‍ സംഘത്തിന്റെ പിടിയില്‍ നിന്ന് രക്ഷപ്പെട്ടത് ബിയർകുപ്പി പൊട്ടിച്ച്‌ കഴുത്തില്‍ വച്ച് ആത്മഹത്യാ ഭീഷണി മുഴക്കി.
പ്രതികള്‍ പരിഭ്രാന്തിയിലായപ്പോള്‍ വീട്ടമ്മ ഇറങ്ങി ഓടി. തടവിലാക്കി ദുരുപയോഗം ചെയ്യാനും . കാഴ്ചവയ്‌ക്കാനുമായിരുന്നു പ്രതികളുടെ ഉദ്ദേശ്യം.
വീട്ടമ്മയുടെ കൊടിയ ദുരിതം ഭർത്താവാണ് മാദ്ധ്യമങ്ങളോട് വെളിപ്പെടുത്തിയത്. ശാരീരികമായും മാനസികമായും തകർന്ന വീട്ടമ്മ കളമശേരി മെഡിക്കല്‍ കോളേജില്‍ ചികിത്സയിലാണ്.
ദേഹമാസകലം പരിക്കുണ്ട്. അദ്ധ്യാപികയായിരുന്ന ഇവർക്ക് ജോലി നഷ്ടപ്പെട്ടിരുന്നു. ഗർഭം അലസിയതിനാല്‍ മാനസികമായി അത്ര നല്ല നിലയിലായിരുന്നില്ല. മാനസിക സമ്മർദ്ദം മറികടക്കാനുള്ള ശ്രമത്തിനിടെയായിരുന്നു ജോലി തേടല്‍.
സ്പായില്‍ മാനേജരുടെ ഒഴിവുണ്ടെന്ന പരസ്യം ഒ.എല്‍.എക്സില്‍ കണ്ടതോടെ അപേക്ഷിച്ചു. രാവിലെ മൂന്നാറിലേക്ക് ടൂറിസ്റ്റുകളുമായി പോയ ഭർത്താവിനെ വിളിച്ച്‌ അഭിമുഖത്തിന് വിളിച്ചിട്ടുണ്ടെന്ന് അറിയിച്ചു. പിന്നീട് ലഭിച്ചെന്നും അറിയിച്ചിരുന്നു.
വൈകിട്ട് ജീവനക്കാരുടെ പാർട്ടിയുണ്ടെന്ന് വിശ്വസിപ്പിച്ച്‌ കൊണ്ടുപോകാൻ വണ്ടി അയച്ചു. വയനാട് സ്വദേശി അമ്മുവാണ് ലോഡ്ജിലേക്ക് വിളിച്ചുവരുത്തി ഐസ്‌ക്രീമിനൊപ്പം ലഹരി നല്‍കി. പിന്നീട് ബോധരഹിതയാക്കി മാനഭംഗപ്പെടുത്തി.
പിന്നീട് ഭക്ഷണത്തിലുള്‍പ്പെടെ മയക്കുമരുന്ന് നല്‍കി വീണ്ടും മാനഭംഗത്തിന് ശ്രമിച്ചു. ഇടപ്പള്ളിയിലെ സ്പായില്‍ നിന്ന് സി.സി.ടിവി ദൃശ്യങ്ങള്‍ പൊലീസ് ശേഖരിച്ചിട്ടുണ്ട്.
