വൈക്കം: നാഷണൽ എംപ്ലോയ്മെന്റ് സർവീസ് (കേരളം), ജില്ലാ എംപ്ലോയ്മെന്റ് എക്സ്ചേഞ്ച് & എംപ്ലോയബിലിറ്റി സെന്റർ, കോട്ടയം, വൈക്കം എസ്.എം.എസ്.എൻ ഹയർ സെക്കണ്ടറി സ്കൂളിന്റെ (ആശ്രമം സ്കൂൾ) സഹകരണത്തോടെ മെഗാ ജോബ് ഫെയർ 'നിയുക്തി 2026' സംഘടിപ്പിക്കുന്നു.
നവംബർ 21 ശനിയാഴ്ച രാവിലെ 9.30ന് വൈക്കം സത്യാഗ്രഹ മെമ്മോറിയൽ ശ്രീനാരായണ ഹയർ സെക്കണ്ടറി സ്കൂളിൽ (ആശ്രമം സ്കൂൾ) നടക്കുന്ന ജോബ് ഫെയർ വൈക്കം നിയോജക മണ്ഡലം എം.എൽ.എ ശ്രീ. കെ. ബിനിമോൻ ഉദ്ഘാടനം ചെയ്യും. വൈക്കം നഗരസഭ ചെയർപേഴ്സൺ ശ്രീ. അബ്ദുൾ സലാം റാവുത്തർ അധ്യക്ഷത വഹിക്കും.
മുപ്പതിലധികം കമ്പനികൾ പങ്കെടുക്കുന്ന മേളയിൽ ആയിരത്തിലധികം ഒഴിവുകളിലേക്ക് നിയമനം നടക്കും. വിവിധ യോഗ്യതകളുള്ള ഉദ്യോഗാർത്ഥികൾക്ക് പങ്കെടുക്കാം.
രജിസ്ട്രേഷൻ സൗജന്യമാണ്. പങ്കെടുക്കാൻ ആഗ്രഹിക്കുന്നവർ https://bit.ly/niyukthi-jobfair26 എന്ന ലിങ്കിൽ രജിസ്റ്റർ ചെയ്യുക.
കൂടുതൽ വിവരങ്ങൾക്ക്: 0481-2563451, 8138908657





