കോട്ടയം: സംസ്ഥാന ആഭ്യന്തര വകുപ്പ് നടത്തിവരുന്ന 'ഓപ്പറേഷൻ തൂഫാൻ' ആൻ്റി ഡ്രഗ്സ് ക്യാംപെയിനിൽ 'വേൾഡ് മലയാളി ഓർഗനൈസേഷനും' (WMO) 'ഫിലിം ആൻ്റ് ഓഡിയോ വിഷ്വൽ കൾച്ചറൽ സൊസൈറ്റിയും' (FILCOS) ചേർന്ന് അന്താരാഷ്ട്ര തലത്തിൽ റീൽസ് & ഷോർട്ട്സ് മത്സരം നടത്തുന്നു.
'കവചം 2026' ലോഗോ പ്രകാശനം ആഗസ്റ്റ് 13 ഉച്ചക്ക് 2 മണിക്ക് കോട്ടയം കളത്തിപ്പടി മരിയൻ സീനിയർ സെക്കണ്ടറി സ്കൂളിൽ, കേരള നിയമസഭ സ്പീക്കർ തിരുവഞ്ചൂർ രാധാകൃഷ്ണൻ നിർവഹിക്കും. ഡോ. ഗീവർഗീസ് മാർ കൂറിലോസ് തിരുമേനി ലോഗോ ഏറ്റുവാങ്ങും: വേൾഡ് മലയാളി ഓർഗനൈസേഷൻ ജോയിൻ്റ് സെക്രട്ടറി അസ്സീസ് കുമാരനെല്ലൂർ അധ്യക്ഷത വഹിക്കും.
ഏറ്റുമാനൂർ എംഎൽഎ നാട്ടകം സുരേഷ്, മുഖ്യ പ്രഭാഷണവും, വിജയപുരം ഗ്രാമ പഞ്ചായത്ത് പ്രസിഡൻ്റ് ഷൈനി വേലങ്ങാട്, മരിയൻ സീനിയർ സെക്കണ്ടറി സ്കൂൾ പ്രിൻസിപ്പൽ ഷിൻസ് മാത്യു തുടങ്ങിയവർ ആശംസ പ്രസംഗം നടത്തും,
രജിസ്ട്രേഷൻ ഫീസോ പ്രായപരിധിയോ ഇല്ലാതെ നടത്തുന്ന ഈ മത്സര ത്തിൽ വിദ്യാർത്ഥികൾ, യുവജനങ്ങൾ ഉൾപ്പെടെ ലോകത്തുള്ള എല്ലാ മലയാളികൾക്കും പങ്കെടുക്കാം. മുപ്പത് സെക്കൻ്റ് മുതൽ രണ്ട് മിനിറ്റ് വരെയാണ് സമയദൈർഘ്യം. ആൻ്റി ഡ്രഗ്സ് ക്യാംപെയിനിൽ തിരഞ്ഞെടുക്കപ്പെടുന്ന ഏറ്റവും നല്ല റീൽസ് & ഷോർട്ട്സിന് 'കവചം 2026' ഒന്നും രണ്ടും മൂന്നും സ്ഥാനത്തിലേക്ക് ക്യാഷ് അവാർഡും പ്രശസ്തി പത്രവും നൽകുന്നതാണ്. പ്രമേയം അയക്കേണ്ട അവസാന തീയതി സെപ്റ്റംബർ 5, വൈകിട്ട് 5 മണിവരെ. സമ്മാനദാനം സെപ്റ്റംബർ 30-ന്.
അന്വേഷണങ്ങൾക്ക്:
9446352085, 6282840568
പത്രസമ്മേളനത്തിൽ പി.കെ. ആനന്ദക്കുട്ടൻ, പ്രോഗ്രാം ജനറൽ കൺവീനർ ജിജോ വി. എബ്രഹാം, പ്രസിഡൻ്റ് ഫിൽകോസ് അസ്സീസ് കുമാരനെല്ലൂർ, വേൾഡ് മലയാളി ഓർഗനൈസേഷൻ ജോയിന്റ് സെക്രട്ടറി ഫിൽകോസ് ഭാരവാഹികളായ സാജൻ അച്ചൻകുഞ്ഞ്, ബൈജു എസ്. ബസന്ത് എന്നിവർ പങ്കെടുത്തു.
