വൈക്കം വെള്ളൂർ കരിപ്പാടം പാറയ്ക്കൽ മഹാവിഷ്ണു ഗണപതി ക്ഷേത്രത്തിൽ കർക്കിടക വാവുബലി തർപ്പണ പുണ്യം തേടി ആയിരങ്ങളെത്തി.

വെള്ളൂർ: വിഷ്‌ണു ഗണേശ ചൈതന്യങ്ങൾ സമശക്തിയിൽ വിളങ്ങി നിൽക്കുന്ന വൈക്കം വെള്ളൂർ കരിപ്പാടം പാറയ്ക്കൽ മഹാവിഷ്ണു ഗണപതി ക്ഷേത്രത്തിൽ കർക്കിടക വാവുബലി തർപ്പണ പുണ്യം തേടി ആയിരങ്ങളെത്തി. മൂവാറ്റുപുഴയാറിൻ്റെ തീരത്തുള്ള ക്ഷേത്രത്തിൽ പുലർച്ചെ ബലിതർപ്പണ പൂജകൾ ആരംഭിച്ചു. സമീപത്തും വിദൂരസ്ഥലങ്ങളിൽ നിന്നുമായി വൻഭക്തജന പ്രവാഹമാണുണ്ടായത്. വിശേഷ പൂജ ചടങ്ങുകളോടനുബന്ധിച്ച് ഭക്തർക്ക് രാവിലെയും ഉച്ചയ്ക്കും വൈകുന്നേരവും ഭക്ഷണം നൽകുന്ന കേരളത്തിലെ അപൂർവ ക്ഷേത്രങ്ങളിൽ ഒന്നാണ് കരിപ്പാടം പാറയ്ക്കൽ ശ്രീ മഹാവിഷ്ണു ഗണപതി ക്ഷേത്രം. ഇന്ന് ബലി തർപ്പണത്തിനെത്തിയ മുഴുവൻ ഭക്തർക്കും ക്ഷേത്രം ദേവസ്വം അധികൃതർ ഭക്ഷണം നൽകി. ക്ഷേത്രം തന്ത്രി ബ്രഹ്മശ്രീ മനയത്താറ്റ് ആര്യൻ നമ്പൂതിരിപ്പാട്, ക്ഷേത്രം ട്രസ്റ്റി പി.എസ്. ശ്രീധരൻ മൂത്തത് , ക്ഷേത്രം മേൽശാന്തി കൃഷ്ണൻ എമ്പ്രാതിരി , പ്രസിഡൻ്റ് ജയൻ അയോധ്യ , സെക്രട്ടറി രാജശേഖരൻ നായർ വിഘ്‌നേശ്വര , ട്രഷറർ രാജേഷ് നാലുകണ്ടത്തിൽ തുടങ്ങിയവർ നേതൃത്വം നൽകി