എരുമേലി : കൊറിയര് ഓഫീസില് പാഴ്സലായി എത്തിയ ലക്ഷങ്ങള് വിലമതിക്കുന്ന 310 കുപ്പി ലഹരിമരുന്ന് പോലീസ് പിടിച്ചെടുത്തു. നിരോധിത ലഹരിമരുന്നുകളുടെ ഗണത്തില്പ്പെടുന്ന മെഫന്റിര്മിന് സള്ഫേറ്റ് ഇന്ജക്ഷന് മരുന്നാണ് പിടിച്ചെടുത്തത്. രക്തസമ്മർദ്ദം വര്ധിപ്പിക്കുന്നതിനുള്ള ഈ മരുന്ന് ആശുപത്രികളില് മാത്രം ഉപയോഗിക്കുന്നതാണ്.
രഹസ്യവിവരത്തെത്തുടര്ന്ന് ജില്ലാ പോലീസ് മേധാവിയുടെ ഡാന്സാഫ് സംഘം നടത്തിയ മിന്നല് പരിശോധനയിലാണു ലഹരിശേഖരം കണ്ടെത്തിയത്. റോഡ് മാര്ഗമുള്ള പരിശോധനകള് ശക്തമായതോടെ പോലീസിന്റെ കണ്ണുവെട്ടിച്ചു കൊറിയര് സര്വീസുകള് വഴി ലഹരിവസ്തുക്കള് എത്തിക്കാനുള്ള മാഫിയ നീക്കമെന്നാണു പ്രാഥമിക നിഗമനം.
തീര്ഥാടനകാലത്തെ തിരക്ക് മുതലെടുത്ത് വിതരണം ചെയ്യാനായി എത്തിച്ചതാണോ എന്നതടക്കമുള്ള കാര്യങ്ങള് പോലീസ് അന്വേഷിച്ചുവരികയാണ്. പാഴ്സല് അയച്ചവരെയും കൈപ്പറ്റാനെത്തേണ്ടവരെയും കേന്ദ്രീകരിച്ച് അന്വേഷണം ഊര്ജിതമാക്കി. കണ്ടെടുത്ത 310 കുപ്പി മരുന്നുകള് തുടര്നടപടികള്ക്കായി കോട്ടയം ഡ്രഗ് കണ്ട്രോള് ബോര്ഡിനു കൈമാറി.





