കൊച്ചി: ഒരു കാലത്ത് മലയാളികളുടെ ഏറ്റവും പ്രിയപ്പെട്ട താരദമ്പതികളായിരുന്നു ദിലീപും മഞ്ജു വാര്യരും. പിന്നീട് ഇരുവരും വിവാഹമോചനത്തിലേക്ക് കടന്നത് ആരാധകരെ ഞെട്ടിച്ചിരുന്നു. അതിന് ശേഷം ദിലീപിന്റെ രണ്ടാം വിവാഹവും നടിയെ ആക്രമിച്ച കേസില് ഉള്പ്പെട്ടതും അടക്കമുളള സംഭവങ്ങളോടെ ദിലീപ് ആരാധകരും മഞ്ജു വാര്യര് ആരാധകരും രണ്ട് ചേരിയിലേക്ക് തിരിഞ്ഞു.
എന്നാൽ ഇപ്പോൾ മലയാള സിനിമാ ലോകത്തെ പ്രമുഖർ ഒന്നിച്ചെത്തിയ ചടങ്ങില് നടൻ ദിലീപിന്റെയും മഞ്ജു വാര്യരുടെയും സാന്നിധ്യമാണ് ഏറെ ശ്രദ്ധേയമായത്. നീണ്ട ഇടവേളയ്ക്ക് ശേഷമാണ് ഇരുതാരങ്ങളും ഒരേ വേദിയിലെത്തുന്നത്. സംഘാടകർ ഒരേ നിരയിലാണ് ഇരുവരുടെയും ഇരിപ്പിടങ്ങള് ക്രമീകരിച്ചിരുന്നതെങ്കിലും അടുത്തടുത്ത സീറ്റുകളിലല്ല ഇവർ ഇരുന്നിരുന്നത്.
നിര്മ്മാതാവ് ലിസ്റ്റിന് സ്റ്റീഫന് കാക്കനാട് ആരംഭിച്ച മാജിക് ഫ്രെയിംസ് തിയറ്റര് സമുച്ചയത്തിന്റെ ഉദ്ഘാടനത്തില് പങ്കെടുക്കാനാണ് ഇരുവരും എത്തിയത്. തിയറ്ററിന്റെ ഏറ്റവും പിറകിലെ നിരയിലാണ് ഇരുവരും ഇരുന്നത്. എന്നാല് അടുത്തടുത്തുളള സീറ്റുകളിലായിരുന്നില്ല ഇവര് ഇരുന്നത്. മഞ്ജു വാര്യര്ക്ക് സമീപം ജയസൂര്യയും ദിലീപിനടുത്ത് തൃക്കാക്കര എംഎല്എ ഉമ തോമസും ആയിരുന്നു ഇരുന്നത്. മഞ്ജുവും ദിലീപും ഒരേ പരിപാടിയില് പങ്കെടുക്കുന്നു എന്നത് കൊണ്ട് തന്നെ ഈ വീഡിയോ സോഷ്യല് മീഡിയയില് വൈറലാണ്.
ഇരുവരും എത്തിയതോ തിരിച്ച് പോയതോ ഒരുമിച്ച് ആയിരുന്നില്ല. മാത്രമല്ല പരിപാടി നടക്കുമ്പോൾ വേദിയിലും മഞ്ജുവും ദിലീപും ഒരുമിച്ച് ഉണ്ടായിരുന്നില്ല. മാജിക് ഫ്രെയിം സിനിമാസിൽ ആദ്യം റിലീസ് ചെയ്യുന്ന പൃഥ്വിരാജ് ചിത്രമായ ഖലീഫയുടെ ആദ്യ ടിക്കറ്റ് മഞ്ജു വാര്യർ നടൻ കുഞ്ചാക്കോ ബോബന് വേദിയിൽ സമ്മാനിച്ചു.
മുമ്പ്, ദിലീപും കുടുംബവും പങ്കെടുത്തിരുന്ന സുരേഷ് ഗോപിയുടെ മകളുടെ വിവാഹം, കാളിദാസ് ജയറാമിന്റെ വിവാഹ ആഘോഷങ്ങള് തുടങ്ങിയ പ്രധാന ചടങ്ങുകളിലൊന്നും മഞ്ജു വാര്യർ പങ്കെടുത്തിരുന്നില്ല. അതിനാല് തന്നെ, വർഷങ്ങള്ക്ക് ശേഷം ഇരുവരും ഒരേ പൊതുച്ചടങ്ങില് പങ്കെടുത്തത് മാധ്യമങ്ങളിലും പ്രേക്ഷകർക്കിടയിലും വലിയ ചർച്ചയായി മാറി.
