കോട്ടയം: തിരുവാതിക്കലിൽ വാഹനപരിശോധനയ്ക്കിടെ പോലീസ് ഉദ്യോഗസ്ഥരെ മർദ്ദിച്ച കേസിലെ പ്രതിയെ അറസ്റ്റ് ചെയ്തു.
കോട്ടയം നാട്ടകം കെ.എസ്.ഇ.ബി. ഓഫീസിൽ ലൈൻമാനായ വൈക്കം കൊച്ചാലുങ്കൽ വീട്ടിൽ മനോജ് (40) ആണ് അറസ്റ്റിലായത്.
ഇന്നലെ രാവിലെ 9 മണിയോടെ തിരുവാതിക്കലിൽ കൺട്രോൾ റൂം വാഹനത്തിൽ ജോലി ചെയ്തുവരികയായിരുന്ന എസ്.ഐ. സലിം കുമാറും സി.പി.ഒ. ലിജോയും വാഹനപരിശോധന നടത്തുന്നതിനിടെയാണ് സംഭവം.
മദ്യപിച്ച് വാഹനമോടിച്ചെത്തിയ ഇയാളെ വാഹനത്തിൽ കയറ്റാൻ ശ്രമിക്കുന്നതിനിടെ പോലീസുകാരുമായി വാക്കുതർക്കത്തിലേർപ്പെടുകയും തുടർന്ന് ഉദ്യോഗസ്ഥരെ മർദ്ദിക്കുകയുമായിരുന്നു.
തുടർന്ന് പ്രതിയെ പോലീസ് ജീപ്പിൽ കയറ്റി സ്റ്റേഷനിലേക്ക് കൊണ്ടുപോകുന്നതിനിടെ വാഹനത്തിനുള്ളിൽവെച്ചും എസ്.ഐയെയും സി.പി.ഒയെയും ഇയാൾ മർദ്ദിച്ചു.
സംഭവത്തെ തുടർന്ന് സമീപത്തെ കോട്ടയം വെസ്റ്റ്, കുമരകം സ്റ്റേഷനുകളിലും കൺട്രോൾ റൂമിലും വിവരം അറിയിക്കുകയും തുടർന്ന് പോലീസ് സംഘം സ്ഥലത്തെത്തി പ്രതിയെ കസ്റ്റഡിയിലെടുക്കുകയുമായിരുന്നു
നാട്ടുകാർ സ്ഥലത്ത് കൂടിനിന്നിരുന്ന സമയത്തും പ്രതി പോലീസിനെതിരെ അസഭ്യം പറയുകയും മർദ്ദിക്കുകയും ചെയ്തു.
കോട്ടയം വെസ്റ്റ് പോലീസ് രജിസ്റ്റർ ചെയ്ത കേസിൽ അറസ്റ്റിലായ പ്രതിയെ കോടതിയിൽ ഹാജരാക്കി.
കോട്ടയം വെസ്റ്റ് സി ഐ അനൂപ് ജോസിന്റെ നേതൃത്വത്തിൽ കോട്ടയം വെസ്റ്റ് എസ്.ഐ. ഗിരീഷ് കുമാറും, എസ് ഐ പത്മകുമാർ, എ എസ് ഐ ശിവദാസ പണിക്കർ,
സിപിഒ മാരായ അജേഷ്, പ്രദീപ് വർമ്മ, വിപിൻ എന്നീവർ ചേർന്ന പോലീസ് സംഘമാണ് പ്രതിയെ അറസ്റ്റ് ചെയ്ത് ത്.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
