കോട്ടയം: അങ്കണവാടികളിലെ കുട്ടികളിലെ പോഷകാഹാരക്കുറവും ആരോഗ്യപ്രശ്നങ്ങളും കണ്ടെത്തി ആവശ്യമായ പരിഹാരനടപടികൾ ഉറപ്പാക്കുന്നതിനായി സംസ്ഥാന വനിതാ-ശിശുക്ഷേമ വകുപ്പ് നടപ്പാലിക്കുന്ന ബാല്യസ്പന്ദനം പദ്ധതിക്കു ജില്ലയിൽ തുടക്കമായി.
അങ്കണവാടി കുട്ടികളുടെ ത്രൈമാസ ആരോഗ്യ പരിശോധന പദ്ധതിയാണിത്. ഇതിന്റെ ഭാഗമായി ജൂനിയർ പബ്ലിക് ഹെല്ത്ത് ഇന്സ്പക്ടര് (ഡോക്ടർ), ജൂനിയർ പബ്ലിക് ഹെല്ത്ത് നഴ്സ് എന്നിവരടങ്ങുന്ന രണ്ടംഗ സംഘം അങ്കണവാടികളിൽ എത്തി മൂന്നു മുതല് ആറു വയസു വരെയുള്ള കുട്ടികളുടെ ഉയരം, ഭാരം, ശരീര അളവുകള്, പോഷകാഹാരനില, കാഴ്ച, കേൾവി തുടങ്ങിയവ പരിശോധിക്കും. ഇതിനായി സമീപത്തെ പ്രാഥമിക ആരോഗ്യകേന്ദ്രങ്ങളിലെ ആരോഗ്യപ്രവര്ത്തകരുടെ സേവനം പ്രയോജനപ്പെടുത്തും.
ആദ്യഘട്ട ആരോഗ്യപരിശോധന 20നകം പൂര്ത്തിയാക്കുന്നതിനാണ് ലക്ഷ്യമിടുന്നത്. പരിശോധനയിലൂടെ ശേഖരിക്കുന്ന വിവരങ്ങള് ക്രോഡീകരിച്ച് വിശകലനം ചെയ്ത ശേഷമായിരിക്കും തുടര്നടപടികൾ . ആരോഗ്യപരമായോ പോഷകാഹാരവുമായി ബന്ധപ്പെട്ടോ പ്രത്യേക പരിചരണം ആവശ്യമായ കുട്ടികളെ പരിശോധനയിലൂടെ കണ്ടെത്തി ആവശ്യമായ തുടര്ചികിത്സയും പരിചരണവും ഉറപ്പാക്കും.
