കൊച്ചി: ഡ്രൈ ഡേ വേണ്ടെന്ന മുഖ്യമന്ത്രിയുടെ നിലപാടിനെതിരെ കെ സി ബിസി. മുഖ്യമന്ത്രിയെ പേരെടുത്ത് പരാമർശിക്കാതെ രൂക്ഷ വിമർശനവുമായി കെസിബിസി രംഗത്തെത്തി.
ഡ്രൈ ഡേ പിൻവലിക്കാൻ ഇനിയൊരു കേന്ദ്രത്തിനും കഴിയില്ലെന്നും ശക്തമായ പ്രതിഷേധങ്ങളെ നേരിടേണ്ടി വരുമെന്നും KCBC മദ്യവിരുദ്ധ സമിതി അറിയിച്ചു.
ഉമ്മൻചാണ്ടി പിണറായി സർക്കാരുകള്ക്ക് കഴിയാത്ത ഡ്രൈവേ പിൻവലിക്കല് ഇനിയൊരു കേന്ദ്രത്തിനും സാധിക്കില്ല. അങ്ങനെ ഒരു നയം പുറത്തുവന്നാല് ശക്തമായ പ്രതിഷേധങ്ങളെ നേരിടേണ്ടി വരും. വേതനം വിതരണം ചെയ്യുന്ന ദിനത്തില് പണം മദ്യത്തിന് പിന്നാലെ പോകാതിരിക്കാനും നാട്ടില് അനിഷ്ട സംഭവങ്ങള് കുറയ്ക്കാനും ആണ് ഈ നയം ഉണ്ടാക്കിയത്.
ഗീവ് ആൻഡ് ടെക് പോളിസിലിയുടെ സർക്കാരില് തന്നെ പണം തിരികെ എത്താനുള്ള ധനകാര്യ തന്ത്രത്തിന്റെ ഭാഗമാണോ ഈ നീക്കം എന്നും സംശയിക്കേണ്ടിയിരിക്കുന്നു. വിനോദസഞ്ചാരത്തിന്റെയും കോണ്ഫറൻസുകളുടെയും മറവില് ഈ നയം പിൻവലിക്കരുത്. വിനോദസഞ്ചാരത്തിനും കോണ്ഫറൻസുകള്ക്കും മദ്യം ഒഴിച്ചുകൂടാൻ ആകാത്ത കാര്യമായി സർക്കാർ കാണരുത്. മദ്യം കൊടുത്ത് ടൂറിസം മേഖലയെ ഒരു സർക്കാരും പുഷ്ടിപ്പെടുത്തേണ്ട. KCBC മദ്യവിരുദ്ധ സമിതിയുടെ അടിയന്തര ഓണ്ലൈൻ യോഗം ഞായറാഴ്ച ചേരാനും തീരുമാനം





