തിരുവനന്തപുരം: ബിഗ് ബോസ് മലയാളം സീസണ് 7 ജേതാവും ടെലിവിഷൻ താരവുമായ അനുമോള് വിവാഹിതയായി. ഭുവനേശ് ആണ് വരൻ. ഇന്ന് ഗുരുവായൂരില് വച്ചായിരുന്നു വിവാഹം.
കുറച്ച് ദിവസങ്ങള്ക്ക് മുൻപ് അനുമോളുടെ വിവാഹമാണെന്ന് സുഹൃത്തുക്കള് മാധ്യമങ്ങളോട് പറഞ്ഞിരുന്നു. ഇതിന് പിന്നാലെ കഴിഞ്ഞ ദിവസം ചില ചിത്രങ്ങളും താരം സമൂഹമാധ്യമങ്ങളില് പങ്കുവച്ചിരുന്നു.
ടെലിവിഷൻ ഷോകളിലൂടെ മിനിസ്ക്രീൻ പ്രേക്ഷകർക്ക് പരിചിതയായ അനുമോള് സ്റ്റാർ മാജിക് എന്ന പരിപാടിയിലൂടെയാണ് കൂടുതല് ശ്രദ്ധിക്കപ്പെടുന്നത്. പിന്നീട് ബിഗ് ബോസ് മലയാളം സീസണ് 7 ജേതാവായതും ജീവിതത്തില് വഴിത്തിരിവായി.
തിങ്കള് മുതല് വെള്ളി വരെ, കല്യാണം, മഹേഷും മാരുതിയും തുടങ്ങിയ സിനിമകളിലും പാടാത്ത പൈങ്കിളിയടക്കമുള്ള സീരിയലുകളില് വേഷമിട്ട താരം മികച്ച നടിക്കുള്ള കേരള സംസ്ഥാന ടെലിവിഷൻ പുരസ്കാരവും സ്വന്തമാക്കിയിട്ടുണ്ട്. തിരുവന്തപുരം സ്വദേശിയാണ് മുപ്പതുകാരിയായ അനുമോള്. ആര്യനാട് ഗവണ്മെന്റ് വെക്കേഷണല് ഹയര് സെക്കൻഡറി സ്കൂളിലെ പഠന ശേഷം കേരള സര്വകലാശാലയില് നിന്ന് സംസ്കൃത്തില് ബിരുദവും നേടിയിട്ടുണ്ട്.
