തിരുവനന്തപുരം: കോവളത്ത് യുവാവിനെ കൈകള് പിന്നിലേക്കു കൂട്ടിക്കെട്ടി തൂങ്ങിമരിച്ച നിലയില് കണ്ടെത്തിയതില് ദുരൂഹതയെന്നു നാട്ടുകാർ.
ഉച്ചക്കട സ്വദേശി ശരണി(26)നെയാണു മുറിക്കുള്ളില് തൂങ്ങിമരിച്ച നിലയില് കണ്ടെത്തിയത്. രണ്ട് കൈകളും പിന്നിലേക്കു കൂട്ടിപ്പിടിച്ച് തുണികൊണ്ടു കൂട്ടിക്കെട്ടിയ നിലയിലായിരുന്നു മൃതദേഹമുണ്ടായിരുന്നത്. ഇതോടെയാണു നാട്ടുകാർ ദുരൂഹത ആരോപിച്ച് രംഗത്തെത്തിയത്.
അവിവാഹിതനായ ശരണും അമ്മയും മാത്രമാണു വീട്ടിലുള്ളത്. പാചകത്തൊഴിലാളിയായ അമ്മ ഇന്നലെ രാത്രി കല്യാണത്തിനു സദ്യയൊരുക്കാൻ പോയതിനാല് ശരണ് ഒറ്റയ്ക്കായിരുന്നു വീട്ടിലുണ്ടായിരുന്നത്. രാത്രി 11 ന് ശേഷവും ഫോണില് വിളിച്ചിട്ട് എടുക്കാതെ വന്നതോടെ സുഹൃത്ത് വന്ന് നോക്കിയപ്പോഴാണ് ശരണ് തൂങ്ങി നില്ക്കുന്നത് കണ്ടത്.
ഓണ്ലൈൻ ഇടപാടിലൂടെ ശരണിനു പണം നഷ്ടമായിട്ടുണ്ടെന്നും അതിന്റെ വിഷമത്തിലാണ് ആത്മഹത്യയെന്നുമാണ് സംശയിക്കുന്നത്. മൊബൈല് ശാസ്ത്രീയ പരിശോധനയ്ക്ക് അയയ്ക്കുമെന്നു പോലീസ് അറിയിച്ചു. അതേസമയം ആത്മഹത്യയാണെന്നാണു പോലീസിന്റെ പ്രാഥമിക വിലയിരുത്തല്.





