സ്മാർട് ഫോണ് ഉപയോഗിക്കുന്നവരുടെ എണ്ണം ദിനംപ്രതി വർദ്ധിച്ചുവരികയാണ്. ഇവരില് 99 ശതമാനവും വാട്സാപ്പാണ് ഉപയോഗിക്കുന്നത്.
ഇതിനിടെ ഫോണ് മാറ്റുകയോ ആപ്പ് വീണ്ടും ഇൻസ്റ്റാള് ചെയ്യുകയോ ചെയ്താല് പഴയ ചാറ്റുകള് നഷ്ടപ്പെടുന്നത് ആശങ്കയുണ്ടാക്കാം. പ്രധാനപ്പെട്ട സന്ദേശങ്ങള്, ചിത്രങ്ങള്, മറ്റ് സ്വകാര്യ വിവരങ്ങള് നഷ്ടപ്പെടാതിരിക്കാൻ വാട്സാപ്പിലെ ബാക്കപ്പ് സംവിധാനം ഉപയോഗിക്കാമെന്നാണ് കമ്പനി നിർദ്ദേശിക്കുന്നത്.
ആൻഡ്രോയ്ഡ് ഫോണുകളില് ഗൂഗിള് അക്കൗണ്ട് ബാക്കപ്പും ഐഫോണുകളില് ഐക്ലൗഡ് ബാക്കപ്പുമാണ് ഇതിനായി ഉപയോഗിക്കുന്നത്. ചാറ്റുകള് തിരിച്ചെടുക്കുന്നതിന് മുമ്പ് ബാക്കപ്പ് ലഭ്യമാണെന്നും അതുമായി ബന്ധപ്പെട്ട ഗൂഗിള് അക്കൗണ്ടോ ആപ്പിള് ഐഡിയോ ഫോണില് ഉപയോഗിക്കുന്നുണ്ടെന്നും ഉറപ്പുവരുത്തണം.
