കൊച്ചി: നെടുമ്പാശേരിയില്‍ മദ്യലഹരിയില്‍ അമിത വേഗതയില്‍ കാറോടിച്ച്‌ മൂന്നുപേരെ കൊലപ്പെടുത്തിയ സുഹൈല്‍ സജീവ് (19) റിമാൻഡില്‍.
സുഹൈലിനെതിരെ നെടുമ്പാശേരി പൊലീസ് ജാമ്യമില്ലാ വകുപ്പായ കുറ്റകരമായ നരഹത്യ ചുമത്തിയാണ് കേസെടുത്തത്.
ശനിയാഴ്ച അർധരാത്രി ഉണ്ടായ അപകടത്തില്‍ വയനാട് മടക്കിമല സ്വദേശിനി ദേവിക സന്തോഷ്, പാലക്കാട് മണാര്‍ക്കാട് സ്വദേശി ഗോപിക, കര്‍ണാടക സുള്യ സ്വദേശി ഇയാസ് എന്നിവരാണ് തല്‍ക്ഷണം മരിച്ചത്.
അപകടത്തിൻ്റെ ഞെട്ടിപ്പിക്കുന്ന സിസിടിവി ദൃശ്യങ്ങള്‍ പുറത്തുവന്നിരുന്നു.
എറണാകുളത്ത് ഏവിയേഷന്‍ പഠനം പൂര്‍ത്തിയാക്കി, പുതിയ ജീവിതം സ്വപ്നം കണ്ട് ജോലിക്ക് കയറുന്ന ഇടവേളയില്‍ തൃക്കാക്കരിലെ കരകൗശല വ്യാപാര സ്ഥാപനത്തില്‍ പാര്‍ട്ട് ടൈം ജോലി ചെയ്തുവരികയായിരുന്നു ദേവികയും ഗോപികയും ഇയാസും.
സുഹൃത്തുക്കള്‍ക്കൊപ്പം വൈകിട്ട് പുറത്തിറങ്ങിയ മൂന്നുപേരും നെടുമ്പാശേരിയില്‍ നിന്ന് രാത്രി തിരികെ വീട്ടിലേക്ക് മടങ്ങവെയായിരുന്നു ദാരുണമായ അപകടം.
