പള്ളിക്കത്തോട്: ഓപ്പറേഷൻ തൂഫാന്റെ ഭാഗമായി പള്ളിക്കത്തോട് പോലീസ് നടത്തിയ പരിശോധനയിൽ നിരോധിത പുകയില ഉൽപ്പന്നമായ ഹാൻസ് പിടികൂടി.
പാറാംതോട് അമ്പഴത്തുംപടവിൽ വീട്ടിൽ സന്തോഷ് എന്ന അനിഷ് കുമാർ കെ.ആർ.നെ പോലീസ് അറസ്റ്റ് ചെയ്തു.
പാറാംതോട് ഭാഗത്ത് ഇയാൾ നടത്തുന്ന കടയിൽ നടത്തിയ പരിശോധനയിലാണ് വിൽപ്പനയ്ക്കായി സൂക്ഷിച്ചിരുന്ന 150 പാക്കറ്റ് ഹാൻസ് പിടികൂടിയത്.
പള്ളിക്കത്തോട് പോലീസ് സ്റ്റേഷനിലെ എസ്.ഐമാരായ റോബി ജെ. ജോസ്, പി.എ. ഹാരിസ് എന്നിവരുടെ നേതൃത്വത്തിൽ
ഷമീർ സമദ്, രാഹുൽ ആർ. നായർ, അജീഷ്മോൻ, വിജയരാജ് എന്നിവർ ചേർന്നാണ് പരിശോധന നടത്തി നിരോധിത പുകയില ഉൽപ്പന്നങ്ങൾ പിടികൂടിയത്.
ലഹരി വസ്തുക്കളുടെയും നിരോധിത പുകയില ഉൽപ്പന്നങ്ങളുടെയും വിൽപ്പനയും വിതരണവും തടയുന്നതിന്റെ ഭാഗമായി ഓപ്പറേഷൻ തൂഫാന്റെ ഭാഗമായി പരിശോധനകൾ തുടരുകയാണ്.
