കോട്ടയം: നാഗമ്പടം റെയില്‍വേ മേല്‍പാലത്തിന്റെ തകർന്ന ഫുട്പാത്ത് പുനർനിർമിക്കാൻ 24.17 ലക്ഷം രൂപ അനുവദിച്ചതായി സ്പീക്കർ തിരുവഞ്ചൂർ രാധാകൃഷ്ണൻ.
റെയില്‍വേ മേല്‍പാലത്തിലുള്ള ഫുട്പാത്ത് നിർമിച്ചപ്പോള്‍ ഉണ്ടായ അപാകതകള്‍ റെയില്‍വേ പരിഹരിച്ചിരുന്നില്ല. ഇത് കണക്കിലെടുത്തു കാല്‍നടയാത്രക്കാരുടെ ബുദ്ധിമുട്ടുകള്‍ പരിഹരിക്കുന്നതിനു അടിയന്തര നടപടികള്‍ സ്വീകരിക്കണമെന്ന് ഇതുമായി ബന്ധപ്പെട്ടുള്ള യോഗത്തില്‍ താൻ ആവശ്യപ്പെട്ടിരുന്നു.
ഇതിന്റെ അടിസ്ഥാനത്തില്‍ റെയില്‍വേയുടെ അനുമതിയോടുകൂടിയാണ് പൊതുമരാമത്ത് വകുപ്പ് ഈ പ്രവൃത്തി ഏറ്റെടുത്തത്. നടപ്പാതയുടെ നവീകരണത്തിന് 24.17 ലക്ഷം രൂപയുടെ ഭരണാനുമതി ലഭിച്ചതായും തിരുവഞ്ചൂർ രാധാകൃഷ്ണൻ അറിയിച്ചു.
