കോട്ടയം: കോട്ടയം പട്ടണത്തിന്റെ ചരിത്രവും പൈതൃകവും തേടി റൂട്ട്സ് ആന്ഡ് റോഡ്സ് യാത്ര സംഘടിപ്പിക്കുന്നു. ഇന്ന് രാവിലെ എട്ടിനു കോട്ടയം തളി ക്ഷേത്രസങ്കേതത്തില് ആര്. പത്മനാഭറാവു ഫ്ളാഗ് ഓഫ് ചെയ്യുന്ന യാത്ര വൈകുന്നേരം 4.30ന് നാട്ടകം അക്ഷരം മ്യൂസിയത്തില് സമാപിക്കും.
പതിനഞ്ചാം നൂറ്റാണ്ടോടെ തളിക്കോട്ട ആസ്ഥാനമായി തെക്കുകൂര് രാജവംശം ജനപഥമായി വികസിപ്പിച്ച പഴയ കോട്ടയത്തെ അങ്ങാടികളും ആരാധനാലയങ്ങളും ചരിത്രസ്മാരകങ്ങളും പുരാവസ്തുശേഷിപ്പുകളും നേരില്കണ്ട് മനസിലാക്കിയശേഷം വിദ്യാഭ്യാസത്തിനും അച്ചടിക്കും അടിത്തറ പാകിയ പ്രമുഖ സ്ഥാപനങ്ങള് സന്ദര്ശിക്കും.
അച്ചടിയുടെയും ഭാഷയുടെയും സാഹിത്യത്തിന്റെയും ചരിത്രം പറയുന്ന അക്ഷരം മ്യൂസിയം സന്ദര്ശിക്കുന്നതോടെ യാത്ര പൂര്ത്തിയാകും.
യാത്രാസംഘത്തില് പരമാവധി 42 പേരെയാണ് ഉള്പ്പെടുത്തുന്നത്. എസി ബസിലാണ് യാത്ര. രാവിലെ 7നു കോട്ടയം ബേക്കര് മെമ്മോറിയല് ജിഎച്ച്എസ്എസിന്റെ ഗ്രൗണ്ടില് ബസ് യാത്രയ്ക്ക് തയാറാകും.
കോട്ടയം തളിയില് മഹാദേവ ക്ഷേത്രം, തിരുമല വെങ്കിടേശ്വര ക്ഷേത്രം, താഴത്തങ്ങാടി തെരുവ്, താഴത്തങ്ങാടി ജുമാ മസ്ജിദ്, കോട്ടയം വലിയപള്ളി,
കോട്ടയം ചെറിയപള്ളി, പുത്തനങ്ങാടി കുരിശുപള്ളി, പഴയ സെമിനാരി, സിഎസ്ഐ മ്യൂസിയം, സിഎംഎസ് കോളജ്, ദീപിക, ബേക്കര് സ്കൂള്, നാഗമ്പടം മഹാദേവക്ഷേത്രം, മനോരമ, തിരുനക്കര മഹാദേവര് ക്ഷേത്രം, വയസ്കര കൊട്ടാരം, കൊട്ടാരത്തില് ശങ്കുണ്ണി സ്മാരകം, അക്ഷരം മ്യൂസിയം എന്നിവിടങ്ങളിലാണ് സന്ദര്ശനം. യാത്രയില് പങ്കെടുക്കാന് ആഗ്രഹിക്കുന്നവര് http-s://rootsandroads.online/ വെബ്സൈറ്റില് രജിസ്റ്റര് ചെയ്യണം. 9037470750.
