മുണ്ടക്കയം ഈസ്റ്റ്: കാട്ടാനയെ കണ്ട് ഓടിയ എസ്റ്റേറ്റ് തൊഴിലാളിക്ക് വീണ് പരുക്കേറ്റു.
മതമ്പ മഠത്തികുറ്റിയിൽ രജി അനിയന് (44) ആണ് പരുക്കേറ്റത്.
ഇന്ന് രാവിലെ 11 മണിയോടെയാണ് സംഭവം. ചെന്നാപ്പാറ ബി. ഡിവിഷനിൽ ജോലി കഴിഞ്ഞ് ഭർത്താവിനൊപ്പം നടന്നു പോകുന്നതിനിടെ റോഡിന്റെ വശത്ത് 100 മീറ്റർ അകലെയായി കാട്ടാനക്കൂട്ടത്തെ കാണുകയായിരുന്നു.
ഇരുവരും ഓടി രക്ഷപ്പെടുന്നതിനിടെ വീണ് രജിയുടെ മൂക്കിനും കയ്യിലും പരുക്കേറ്റു. ഉടൻ തന്നെ ആർആർടി സംഘം എത്തി നടപടികൾ സ്വീകരിച്ചു.
പരിക്കേറ്റ രജിയെ വനം വകുപ്പ് ഉദ്യോഗസ്ഥരുടെ നേതൃത്വത്തിൽ ആശുപത്രിയിൽ പ്രവേശിപ്പിച്ചു.
വനം വകുപ്പ് ദ്രുതകർമ്മ സേന സംഘമെത്തി ആനയെ തുരത്തുന്നതിനുള്ള നടപടികൾ സ്വീകരിച്ചു.
സ്ഥലത്ത് ഇന്ന് ഡ്രോൺ ഉപയോഗിച്ച് നിരീക്ഷണം നടത്തുമെന്ന് വനംവകുപ്പ് എരുമേലി റെയിഞ്ച് ഓഫീസർ രതീഷ് കെ.വി അറിയിച്ച
