കൊച്ചി: കളമശ്ശേരിയില്‍ വിവാഹിതയായ യുവതിയെ രണ്ട് ദിവസം തടങ്കലില്‍ വച്ച്‌ കൂട്ടബലാത്സംഗത്തിനിരയാക്കിയ സംഭവത്തില്‍ രണ്ടുപേർ കൂടി പിടിയില്‍.
രണ്ടാം പ്രതിയായ വയനാട് സ്വദേശി അമ്മു എന്ന ശരണ്യ, മൂന്നാംപ്രതി സഞ്ജു എന്നിവരെയാണ് ഇന്ന് രാവിലെ വയനാട്ടില്‍ നിന്ന് പിടികൂടിയത്.
കേസില്‍ സ്പാ നടത്തിപ്പുകാരനും ഒന്നാം പ്രതിയുമായ ആലപ്പുഴ കാർത്തികപ്പിള്ളി ഇരിക്കാവ് എസ്‌ആർ നിവാസില്‍ ശ്രീരാജ് (30), നാലാം പ്രതി തേവയ്‌ക്കല്‍ സ്വദേശി ജിത്ത് മാർട്ടിൻ (27) എന്നിവരെ തിങ്കളാഴ്ച അറസ്റ്റ് ചെയ്തിരുന്നു.
ശ്രീരാജും ജിത്തും അമ്മുവുമാണ് യുവതിയെ ലൈംഗികമായി പീഡിപ്പിച്ചത്. അമ്മുവാണ് ക്രൂരമായി പീഡിപ്പിച്ചതെന്നാണ് യുവതിയുടെ മൊഴി.
സ്‌പായില്‍ മാനേജരുടെ ജോലിക്കായി ഒഎല്‍എക്സ് വഴി പരസ്യം .കൊടുത്തത് കണ്ടാണ് യുവതി എത്തിയത്. ഇവർക്ക് മദ്യവും മയക്കുമരുന്നും നല്‍കി രണ്ടുദിവസം തടങ്കലില്‍ വച്ച്‌ പീഡിപ്പിക്കുകയായിരുന്നു.
ഒടുവില്‍ ആത്മഹത്യാ ഭീഷണി മുഴക്കിയാണ് യുവതി ക്രിമിനല്‍ സംഘത്തിന്റെ പിടിയില്‍ നിന്ന് രക്ഷപ്പെട്ടത്. ഈ മാസം രണ്ട്, മൂന്ന് തീയതികളിലായിരുന്നു സംഭവം.
