സൗത്ത് പാമ്പാടി: പ്ലേ ക്ലാസ് മുതൽ യു. കെ ജി വരെയുള്ള കുട്ടികളുടെ കലാപരിപാടികൾക്ക്‌ പ്രത്യേക പരിഗണന നൽകി സൗത്ത് പാമ്പാടി ജൂനിയർ ബസേലിയോസ് സ്കൂളിലെ ശിശു ദിനാഘോഷം വേറിട്ടതായി.
നഴ്സറി വിഭാഗം കുട്ടികളെല്ലാം നെഹ്‌റു വേഷ ധാരികളായാണ് ശിശു ദിന റാലിയിൽ പങ്കെടുത്തത്. കുട്ടികളുടെ പ്രധാനമന്ത്രിയായി തെരെഞ്ഞെടുക്കപ്പെട്ട അഡ്രിയൽ എം ഏബ്രഹാം ശിശു ദിനാഘോഷ പരിപാടികളുടെ ഉദ്ഘാടനം നിർവഹിച്ചു.
സ്കൂൾ മാനേജരും പാമ്പാടി ഗ്രാമ പഞ്ചായത്ത്‌ പ്രസിഡൻ്റുമായ അഡ്വ. സിജു കെ ഐസക്ക് സമ്മാനങ്ങൾ വിതരണം ചെയ്തു.
പ്രിൻസിപ്പാൾ ജയശ്രീ രവികുമാർ, വൈസ് പ്രിൻസിപ്പാൾ ശ്രുതിമോൾ ജോയ്, നഴ്സറി വിഭാഗം മേധാവി വത്സമ്മ പ്രദീപ്‌,പി റ്റി എ പ്രസിഡന്റ്‌ ഡോ. ആര്യ എം കുറുപ്പ്,ജാൻസി ജോർജ്, ജൂലി തോമസ് എന്നിവർ പ്രസംഗിച്ചു.
