കോട്ടയം: ഉപ്പേരിയും ശർക്കരവരട്ടിയും ഇല്ലാതെ എന്ത് ഓണം. എന്നാൽ ഇക്കുറി ഉപ്പേരി വറുക്കാൻ അൽപം ചെലവ് കൂടും.
വെളിച്ചെണ്ണ വില ഇപ്പഴേ കൂടി. ഇനി ഓണ നാളുകൾ അടുക്കുമ്പോൾ വില വീണ്ടും ഉയരും.
ഏത്തക്കായ വില 70 രൂപയില്, ഓണത്തിന് സെഞ്ചുറി അടിക്കുമെന്നു കര്ഷകര് പ്രതീക്ഷയില്. നാടന് കായയ്ക്ക് 80 രൂപ വരെയായി.
എന്നാല്, മഴയിലും വെള്ളപ്പൊക്കത്തിലും നിരവധി കര്ഷകരുടെ വാഴ ഒടിഞ്ഞു നശിച്ചിരുന്നു. അവശേഷിക്കുന്നവര് മികച്ച വില ലഭിക്കുമെന്ന പ്രതീക്ഷയിലാണ്. ജുണ്, ജൂലൈ മാസങ്ങളില് മഴ കുറവായിരുന്നതിനാല് കായയ്ക്കു വലിപ്പം കുറവായിരുന്നു എന്നതു മാത്രമാണു കര്ഷകരെ ബുദ്ധിമുട്ടിക്കുന്നത്.
ഓണക്കാലത്ത് ജില്ലയില് ഏറ്റവും കൂടുതല് വാഴക്കുലകള് എത്തിയിരുന്നതു വയനാട്ടില് നിന്നാണ്. ഇത്തവണ വയനാട്ടില് നിന്നും ഓണക്കുലകള് കുറയുമെന്നാണ് വിവരണം. ഇതോടെ വില വീണ്ടും കുടാനുള്ള സാധ്യത വ്യാപാരികള് കാണുന്നു. ഓണത്തിനു മുമ്പുള്ള ഒരാഴ്ചയാണ് ഏത്തക്കായ വില വര്ധിക്കുക.കായ വില വര്ധിക്കുന്നതിനൊപ്പം ഉപ്പേരി, ശര്ക്കരവരട്ടി വിലയിലും വര്ധനയുണ്ടാകും.
