ചങ്ങനാശ്ശേരി: സെക്കൻഡ് ഹാൻഡ് വാഹനങ്ങളുടെ വിൽപ്പന നടത്തുന്ന സ്ഥാപനത്തിൽ സൂക്ഷിച്ചിരുന്ന ഓട്ടോറിക്ഷ മോഷ്ടിച്ച കേസിൽ രണ്ട് യുവാക്കൾ അറസ്റ്റിൽ.
തിരുവല്ല സ്വദേശികളായ സരുൺ കെ.എസ്. (21) ശശികുമാർ അഭിഷേക് (19), എന്നിവരെയാണ് ചങ്ങനാശ്ശേരി പോലീസ് അറസ്റ്റ് ചെയ്തത്.
ചങ്ങനാശ്ശേരി വില്ലേജിലെ മനയ്ക്കച്ചിറ ഭാഗത്ത് പ്രവർത്തിക്കുന്ന ദിയ കാർസ് എന്ന സ്ഥാപനത്തിന്റെ കോമ്പൗണ്ടിൽ സൂക്ഷിച്ചിരുന്ന ഏകദേശം ഒരു ലക്ഷം രൂപ വിലവരുന്ന ഓട്ടോറിക്ഷയാണ് മോഷണം പോയത്.
കഴിഞ്ഞ ഓഗസ്റ്റ് 28ന് പുലർച്ചെ 2.30ഓടെയാണ് സംഭവം.
പ്രതികൾ സ്ഥാപനത്തിന്റെ കോമ്പൗണ്ടിൽ അതിക്രമിച്ച് കയറി ഓട്ടോറിക്ഷ മോഷ്ടിച്ചുകൊണ്ടുപോ
ക്കുകയായിരുന്നു.
തെളിവുകളുടെ അടിസ്ഥാനത്തിൽ ദിവസങ്ങളോളം നടത്തിയ അന്വേഷണത്തിന്റെയുംയഥാർത്ഥ സമയങ്ങളിൽ നടത്തിയ ഇടപെടലുകളുടെയും ഫലമായി തിരുവല്ല
സമീപപ്രദേശത്തുനിന്നും പൊളിച്ച നിലയിൽ ഓട്ടോറിക്ഷ കണ്ടെത്തുകയും തുടർന്ന് പ്രതികളിലേക്ക് എത്തുകയും പിടികൂടുകയുമായിരുന്നു.
ചങ്ങനാശ്ശേരി ഡിവൈഎസ്പി ആഷാദ് എസിന്റെ നിർദ്ദേശാനുസരണം
എസ്.എച്ച് ഒ.ഐ.പി അനിൽ ജോർജ്, എസ്. അഖിൽ വിജയകുമാർ, അനീഷ് വിജയൻ, സി പി ഒമാരായ കലേഷ്, സതീഷ്, എന്നിവർ അടങ്ങുന്ന സംഘമാണ് പ്രതികളെ പിടികൂടിയത്.
