മുംബയ്: ആരോഗ്യനിലയെക്കുറിച്ച്‌ അറിയിച്ചും ഡോക്‌ടർമാർ വിശ്രമത്തിന് നിർദ്ദേശിച്ചതായും സൂചിപ്പിച്ച്‌ ബോളിവുഡ് സൂപ്പർതാരം അമിതാഭ് ബച്ചൻ.
സമൂഹമാദ്ധ്യമങ്ങളില്‍ നിന്ന് ഇടവേളയെടുക്കുകയാണെന്ന് സൂചിപ്പിച്ച്‌ താരം എക്‌സില്‍ കുറിപ്പിട്ടു.
ആരോഗ്യനില മോശമായതിനാല്‍ കുറച്ച്‌ ദിവസം വിശ്രമം വേണമെന്നും സമൂഹമാദ്ധ്യമങ്ങളില്‍ കുറിപ്പുണ്ടാകില്ലെന്നുമാണ് അദ്ദേഹം അറിയിച്ചത്.
'വിശ്രമിക്കാനും ആരോഗ്യം വീണ്ടെടുക്കാനും കുറച്ച്‌ദിവസം വിശ്രമിക്കാൻ എനിക്ക് നിർദ്ദേശം ലഭിച്ചിട്ടുണ്ട്. അതിനാല്‍ സോഷ്യല്‍ മീ‌ഡിയയില്‍ എനിക്കൊന്നും എഴുതാനും സാധിക്കില്ല. ഞാൻ ക്ഷമ ചോദിക്കുന്നു. പൊറുക്കണമെന്ന് അപേക്ഷിക്കുന്നു.'-താരം കുറിക്കുന്നു.
എണ്‍പത്തിനാലുകാരനായ താരം സമൂഹമാദ്ധ്യമങ്ങളിലൂടെ നിരന്തരം തന്റെ ചിന്തകള്‍ ജനങ്ങളുമായി പങ്കുവയ്‌ക്കാറുണ്ട്.
