പാലാ : തിരഞ്ഞെടുപ്പുകളിലെ സംവരണം ജനാധിപത്യവിരുദ്ധമാണെന്നാരോപിച്ച്‌ വനിതാ സംവരണ വാർഡിൽ നാമനിർദേശ പത്രിക നൽകി പുരുഷ സ്ഥാനാർഥിയുടെ പ്രതിഷേധം. മഹാത്മാഗാന്ധി നാഷണൽ ഫൗണ്ടേഷൻ ചെയർമാൻ എബി ജെ. ജോസാണ് പാലാ നഗരസഭയിലെ ഒൻപതാം വാർഡായ കൊച്ചിടപ്പാടി വനിതാ സംവരണ വാർഡിൽ നാമനിർദേശ പത്രിക നൽകി പ്രതിഷേധിച്ചത്.
തദ്ദേശസ്വയംഭരണ സ്ഥാപനങ്ങളിൽ വനിതകൾക്ക്‌ 50 ശതമാനം സംവരണം ഏർപ്പെടുത്തിയ നടപടി ജനാധിപത്യത്തോടുള്ള വെല്ലുവിളിയാണെന്ന് എബി ജെ. ജോസ് പറഞ്ഞു. കഴിഞ്ഞ തവണ വനിതാ സംവരണ വാർഡ് ആയിരുന്ന കൊച്ചിടപ്പാടി വാർഡ് വീണ്ടും വനിതാ സംവരണ വാർഡായി മാറിയെന്നും എബി ജെ. ജോസ് കുറ്റപ്പെടുത്തി.
പാലാ മുനിസിപ്പാലിറ്റിയിലെ ഉപവരണാധികാരി എ. സിയാദ് മുമ്പാകെയാണ് പത്രിക സമർപ്പിച്ചത്. പത്രിക സ്വീകരിച്ച ഉപവരണാധികാരി ഇതുസംബന്ധിച്ചു രസീതും സൂക്ഷ്മപരിശോധനാ നോട്ടീസും കൈമാറി.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
Whatsapp Group 1 | Whatsapp Group 2 |Telegram Group