കാട്ടുപന്നി കുറുകെ ചാടി; പരിക്കേറ്റ ബൈക്ക് യാത്രികന്‍ മരിച്ചു

സ്വന്തം ലേഖകൻ

കോഴിക്കോട്: കാട്ടുപന്നി കുറുകെ ചാടിയുണ്ടായ അപകടത്തെ തുടര്‍ന്ന് സ്‌കൂട്ടര്‍ യാത്രക്കാരന്‍ മരിച്ചു.

നാദാപുരം ചേറ്റുവെട്ടി സ്വദേശിയായ പൊന്നന്റവിട കുഞ്ഞബ്‌ദുള‌ളയാണ് (55)​ മരിച്ചത്.

തലശേരി-നാദാപുരം സംസ്ഥാനപാതയില്‍ ഇന്നലെ പുലര്‍ച്ചെ ആറോടെയായിരുന്നു അപകടം.

സാരമായി പരിക്കേറ്റ കുഞ്ഞബ്‌ദുള‌ളയെ കോഴിക്കോട് മെഡിക്കല്‍ കോളേജിലെത്തിച്ചെങ്കിലും മരിച്ചു. വ്യാപകമായ കാട്ടുപന്നി ശല്യമുള‌ള പ്രദേശമാണ് അപകടമുണ്ടായ പ്രദേശം.