വെള്ളൂരിൽ കുടുംബശ്രീ ദിനത്തോടനുബന്ധിച്ച് എന്നിടം പരിപാടി സംഘടിപ്പിച്ചു.

വെള്ളൂർ:വെള്ളൂർ പഞ്ചായത്ത് കുടുംബശ്രീ സിഡിഎസിന്റെ നേതൃത്വത്തിൽ കുടുംബശ്രീ

ദിനത്തോടനുബന്ധിച്ച് എന്നിടം പരിപാടി സംഘടിപ്പിച്ചു. പഞ്ചായത്ത് മൂന്നാംവാർഡിലെ സാംസ്കാരിക

നിലയത്തിൽ നടന്ന യോഗം പഞ്ചായത്ത് പ്രസിഡൻറ് ആർ. നികിതകുമാർ ഉദ്ഘാടനം ചെയ്തു.

വാർഡ് മെമ്പർ കുര്യാക്കോസ് തോട്ടത്തിൽ അധ്യക്ഷത വഹിച്ചു.

പഞ്ചായത്ത് വൈസ് പ്രസിഡൻ്റ് മഹിളാമണി, പഞ്ചായത്ത് അംഗങ്ങളായ ഒ.കെ.ശ്യാംകുമാർ,ജയ അനിൽ, സിഡിഎസ് ചെയർപേഴ്സൺ രഞ്ജുഷഷൈജി, സി ഡി എസ്

മെമ്പർ രാധാ കരുണാകരൻ, എ ഡി എസ് സെക്രട്ടറി രാജി അനിൽ,കുടുംബശ്രീ, എഡിഎസ് അംഗങ്ങൾ ബാലസഭ കുട്ടികൾ വയോജന കുടുംബശ്രീ അംഗങ്ങൾ എന്നിവർ പങ്കെടുത്തു.

പരിപാടിയിൽ കുടുംബശ്രീ സംരംഭകർ ഉത്പാദിപ്പിച്ച ഉൽപ്പന്നങ്ങളുടെ വിപണന മേളയും സംഘടിപ്പിച്ചു.