കോട്ടയം കളക്‌ടറേറ്റിനു സമീപം ബസില്‍ തട്ടിയ ഓട്ടോറിക്ഷ മറിഞ്ഞു; പൊലീസെത്തി മറിഞ്ഞു കിടന്ന ഓട്ടോറിക്ഷ നിവര്‍ത്തിയതോടെ ഓട്ടോയുമായി കടന്നുകളയാന്‍ ഡ്രൈവറുടെ ശ്രമം; ഓട്ടോ ഡ്രൈവർ പോലീസ് പിടിയിൽ

സ്വന്തം ലേഖകൻ 

കോട്ടയം: കളക്‌ടറേറ്റിനു സമീപം ബസില്‍ തട്ടിയ ഓട്ടോറിക്ഷ മറിഞ്ഞു. പൊലീസെത്തി മറിഞ്ഞു കിടന്ന ഓട്ടോറിക്ഷ നിവര്‍ത്തിയതോടെ ഓട്ടോറിക്ഷയുമായി കടന്നുകളയാന്‍ ഡ്രൈവര്‍ ശ്രമിച്ചു.

ഇതോടെ ഓട്ടോറിക്ഷ വീണ്ടും മറിഞ്ഞു. കളക്‌ടറേറ് ജംഗ്ഷനിലെ പമ്പിനു സമീപത്തു വെച്ചാണ് എതിരേവന്ന ബസില്‍ ഓട്ടോറിക്ഷ തട്ടിയത്.

സംഭവം കണ്ട് ഓടിക്കൂടിയവരും, പമ്പ് ജീവനക്കാരും ഡ്യൂട്ടിയിലുണ്ടായിരുന്ന പോലീസുകാരനും ചേര്‍ന്ന് ഓട്ടോറിക്ഷ നിവര്‍ത്തിയതും ഓട്ടോഡ്രൈവര്‍ ഓട്ടോയുമായി കടന്ന് കളയാൻ ശ്രമിച്ചു.

ഇതോടെ ഓട്ടോ വീണ്ടും മറിയുകയായിരുന്നു. ഓട്ടോ ഡ്രൈവറെ ഈസ്റ്റ് പൊലീസ് കസ്റ്റഡിയിലെടുത്തു