ജയരാജ് സംവിധാനം ചെയ്ത ‘അവൾ’ 14-ാം ഇന്ത്യൻ ഫിലിം ഫെസ്റ്റിവെൽ ഓഫ് മെൽബണിലേക്ക്

സ്വന്തം ലേഖകൻ ജയരാജ് സംവിധാനം ചെയ്ത ചിത്രം ‘അവൾ’ 14-ാം ഇന്ത്യൻ ഫിലിം ഫെസ്റ്റിവെൽ ഓഫ് മെൽബണിലേക്ക് തിരഞ്ഞെടുക്കപ്പെട്ടു. ഉദ്ഘാടനചിത്രമായി ഐ.എഫ്.എഫ്.എം. സമ്മർവിഭാഗത്തിലാണ് പ്രദർശിപ്പിക്കുന്നത്. ഊമയും ബധിരയുമായ വീട്ടുജോലിക്കാരിയുടെ കഥയാണ് ‘അവൾ’. വിവിധ വീടുകളിൽ ജോലിക്കുപോകുന്ന ‘പ്രഭ’ അവിടെനിന്നെല്ലാംകിട്ടുന്ന ഉപേക്ഷിക്കപ്പെട്ട വീട്ടുസാധനങ്ങൾ കൊണ്ട് സ്വപ്നതുല്യമായ വീട് നിർമിക്കുന്നതാണ് കഥയുടെ പശ്ചാത്തലം. നാഷണൽ അവാർഡ് ജേതാവായ സുരഭി ആണ് പ്രധാന വേഷം ചെയ്യുന്നത്. കെ.പി.എ.സി ലളിത, നിരഞ്ജന അനൂപ് എന്നിവരാണ് മറ്റു താരങ്ങൾ. ചിത്രത്തിന്റെ രചനയും ജയരാജിന്റേതാണ്.