10 മാസമായിട്ടും ഗര്‍ഭധാരണം നടന്നില്ലെന്നും പൊണ്ണത്തടിക്കാരിയാണെന്ന്​ പറഞ്ഞും കളിയാക്കി; നഫ്​ല തൂങ്ങി മരിച്ച സംഭവത്തില്‍ അന്വേഷണം ഭര്‍തൃവീട്ടുകാരെ കേന്ദ്രീകരിച്ച്

സ്വന്തം ലേഖകൻ

പത്തിരിപ്പാല: മാങ്കുറുശ്ശിയിലെ ഭര്‍തൃഗൃഹത്തില്‍ ധോണി ഉമ്മിനി സ്വദേശിനി നഫ്​ല തൂങ്ങി മരിച്ച സംഭവത്തില്‍ ബന്ധുക്കള്‍ ജില്ല പൊലീസ് മേധാവിക്ക് പരാതി നല്‍കി.

10 മാസമായിട്ടും ഗര്‍ഭധാരണം നടന്നില്ലെന്നും പൊണ്ണത്തടിക്കാരിയാണെന്ന്​ പറഞ്ഞും കളിയാക്കി ഭര്‍തൃവീട്ടുകാര്‍ മാനസികമായി പീഡിപ്പിച്ചതായി പരാതിയില്‍ ചൂണ്ടിക്കാട്ടി.

മങ്കര സി.ഐ ഹരീഷ് ധോണി ഉമ്മിനിയിലെ നഫ്‌ലയുടെ വീട്ടിലെത്തി മൊഴിയെടുത്തു. സഹോദരന്‍ നഫ്സല്‍, മാതാവ്, പിതാവ്, സഹോദരി എന്നിവരുടെ മൊഴിയാണ് ശേഖരിച്ചത്.

പ്രധാനമായും ഭര്‍തൃവീട്ടുകാര്‍ക്കെതിരെയാണ് പരാതി. ഡിവൈ.എസ്​.പിക്കാണ് അന്വേഷണ ചുമതല. കഴിഞ്ഞ വ്യാഴാഴ്ചയാണ് നഫ്​ല ഭര്‍തൃവീട്ടിലെ കിടപ്പ് മുറിയില്‍ തൂങ്ങി മരിച്ചത്.

മാനസിക പീഡനമാണ് മരണകാരണമെന്ന് കുടുംബം നേരത്തെ തന്നെ ആരോപിച്ചിരുന്നു.