കാലവർഷം ശ​ക്തി പ്രാ​പി​ച്ച​തോ​ടെ കോട്ടയം ന​ഗ​ര​ത്തിലെ വി​വി​ധ പ്ര​ദേ​ശ​ങ്ങ​ള്‍ വെ​ള്ള​ത്തി​ൽ; തിരുവാർപ്പ്,കോടിമത, ഇല്ലിക്കൽ,കോട്ടയം പച്ചക്കറി മാർക്കറ്റ് , സംക്രാന്തി ഉൾപ്പെടെ നിരവധി പ്രദേശങ്ങൾ വെള്ളത്തിൽ; അ​മ്പ​തോ​ളം വീ​ടു​ക​ളി​ൽ വെ​ള്ളം ക​യ​റി; നൂ​റോ​ളം വീ​ടു​ക​ള്‍ വെ​ള്ള​ത്താ​ൽ ചു​റ്റ​പ്പെ​ട്ടു; വീ​ട്ടു​പ​ക​ര​ണ​ങ്ങ​ളും സാ​ധ​ന​ങ്ങ​ളും വെ​ള്ളം ക​യ​റി ന​ശി​ച്ചു; വീഡിയോ കാണാം

സ്വന്തം ലേഖകൻ

കോട്ടയം: മ​ഴ ശ​ക്തി പ്രാ​പി​ച്ച​തോ​ടെ കോട്ടയം ന​ഗ​ര​സ​ഭ​യി​ലെ വി​വി​ധ പ്ര​ദേ​ശ​ങ്ങ​ള്‍ വെ​ള്ള​ത്തി​ൽ. തിരുവാർപ്പ്, ഇല്ലിക്കൽ, സംക്രാന്തി, കുമാരനല്ലൂർ, കോടിമത എന്നിങ്ങനെ ജില്ലയിലെ പ്രധാനപ്പെട്ട സ്ഥലങ്ങളെല്ലാം വെള്ളത്തിനടിയിലായി. കോട്ടയം പച്ചക്കറി മാർക്കറ്റ് വെള്ളത്തിനടയിൽ, വ്യാപാരസ്ഥാപനങ്ങളിലേക്ക് സാധനങ്ങളുമായി എത്തുന്നത് വള്ളത്തിൽ,.

പ്ര​ദേ​ശ​ങ്ങ​ളി​ലെ അ​മ്പ​തോ​ളം വീ​ടു​ക​ളി​ൽ വെ​ള്ളം ക​യ​റി. നൂ​റോ​ളം വീ​ടു​ക​ള്‍ വെ​ള്ള​ത്താ​ൽ ചു​റ്റ​പ്പെ​ട്ടു. വ്യാ​ഴാ​ഴ്​​ച രാ​വി​ലെ മ​ഴ​ക്ക്​ അ​ല്‍പം ശ​മ​നം ഉ​ണ്ടാ​യെ​ങ്കി​ലും കി​ഴ​ക്ക​ന്‍ വെ​ള്ള​ത്തി​ന്റെ വ​ര​വ് വ​ര്‍ധി​ച്ച​താ​ണ് പ്ര​ദേ​ശ​ങ്ങ​ള്‍ വെ​ള്ള​ത്തി​ലാ​കാ​ന്‍ കാ​ര​ണം. പ​ല വീ​ടു​ക​ളി​ലെ​യും വീ​ട്ടു​പ​ക​ര​ണ​ങ്ങ​ളും സാ​ധ​ന​ങ്ങ​ളും വെ​ള്ളം ക​യ​റി ന​ശി​ച്ചി​ട്ടു​ണ്ട്.

ന​ഗ​ര​സ​ഭ​യു​ടെ പല വാ​ര്‍ഡു​ക​ളി​ലെ വീ​ടു​ക​ളും വെ​ള്ള​ത്താ​ല്‍ ചു​റ്റ​പ്പെ​ട്ടു. പലയിടത്തും വീ​ടു​ക​ളി​ലേ​ക്ക് സ​ഞ്ചാ​ര​യോ​ഗ്യ​മ​ല്ലാ​ത്ത വ​ഴി​ക​ളി​ല്ലാ​ത്തത് ജ​ന​ത്തെ ദു​രി​ത​ത്തി​ലാ​ക്കി​യി​രി​ക്കു​ക​യാ​ണ്. സ്ത്രീ​ക​ള്‍ക്കും കു​ട്ടി​ക​ള്‍ക്കും വ​യോ​ധി​ക​ര്‍ക്കും പു​റ​ത്തി​റ​ങ്ങാ​ന്‍ പ​റ്റാ​ത്ത സാ​ഹ​ച​ര്യ​മാ​ണ്.

ദിവസങ്ങളായി തുടരുന്ന മഴയിൽ തിരുവാർപ്പിലെ മണ്ണടിച്ചിറ പാടശേഖരത്തിൽ മടവീണു. തട്ടാർകാട് – വെങ്ങാലിക്കാട് – മണ്ണടിച്ചിറ പാടശേഖരത്തിലാണ് മടവീണത്. വെള്ളത്തിൽ മൂടിയത് 220 ഏക്കറിലെ നെൽകൃഷി. 12 ദിവസം മാത്രം പ്രായമുള്ള നെൽച്ചെടികൾ വെള്ളത്തിൽ മുങ്ങി. പുറം ബണ്ടിന്‍റെ ബലക്ഷയത്തെ തുടർന്നാണ് നെൽപാടത്ത് വെള്ളം കുതിച്ചുകയറിയത്.