പത്ത് കല്‍പനകള്‍, പ്രകാശം പരത്തുന്ന ഒരു പെണ്‍കുട്ടി തുടങ്ങിയ ചിത്രങ്ങളുടെ നിർമ്മാതാവ് ; കോട്ടയം സ്വദേശി മനു പത്മനാഭൻ നായർ കെഎസ്ആർടിസി ബസിൽ കുഴഞ്ഞുവീണ് മരിച്ചു 

സ്വന്തം ലേഖകൻ

പാലക്കാട്: സിനിമ നിർമ്മാതാവ് മനു പത്മനാഭൻ നായർ അന്തരിച്ചു. കോയമ്പത്തൂരിൽ നിന്നുള്ള യാത്രക്കിടെ പാലക്കാട് വച്ച് കുഴഞ്ഞുവീണ് മരിക്കുകയായിരുന്നു. കെഎസ്ആർടിസി ബസിലാണ് കുഴഞ്ഞുവീണത്.

ഉടൻ തന്നെ ആശുപത്രിയിൽ എത്തിയെങ്കിലും ജീവൻ രക്ഷിക്കാൻ സാധിച്ചില്ല. മൃതദേഹം കോട്ടയത്തെ വീട്ടിലേക്ക് കൊണ്ടുപോയി.

വെള്ളം, കൂമൻ തുടങ്ങിയ സിനിമകളുടെ നിർമ്മാണ പങ്കാളി കൂടിയായിരുന്നു മനു പത്മനാഭൻ നായർ. പത്ത് കല്‍പനകള്‍, പ്രകാശം പരത്തുന്ന ഒരു പെണ്‍കുട്ടി എന്നീ ചിത്രങ്ങള്‍ നിര്‍മിച്ചു.