പൊൻകുന്നം ദേശീയ പാതയിൽ റോഡ് മുറിച്ചു കടക്കുന്നതിടെ സ്കൂട്ടർ ഇടിച്ച് ഡ്രൈവിംങ് സ്കൂൾ ഉടമ മരിച്ചു

സ്വന്തം ലേഖകൻ
പൊൻകുന്നം: പൊൻകുന്നം ദേശീയ പാതയിൽ സ്കൂട്ടർ ഇടിച്ച് ഡ്രൈവിങ്ങ് സ്കൂൾ ഉടമ മരിച്ചു.

ബിസ്മി ഡ്രൈവിങ് സ്കൂൾ ഉടമ കൂട്ടിക്കൽ മഠത്തിൽ ജലീൽ (ബിസ്മി ജലീൽ) ആണ് മരിച്ചത്.

പൊൻകുന്നം ആർ.ടി. ഓഫീസിനു സമീപം ഇന്ന് 3.30 ഓടെയാണ് അപകടം.

റോഡ് മുറിച്ചു കടക്കുന്നതിനായി നിൽക്കുന്നതിനിടെ അമിത വേ​ഗതയിലെത്തിയ സ്കൂട്ടർ ഇടിച്ചു തെറിപ്പിക്കുകയായിരുന്നു.

ഉടൻ പാലായിലെ സ്വകാര്യശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

സംഭവത്തിൽ പൊൻകുന്നം പൊലീസ് കേസെടുത്തു.