പോലീസ് വേഷത്തിലെത്തിയ ന‌ടനെ കണ്ട് പോലീസ് ചെക്കിംങ്ങ് ആണെന്ന് കരുതി സ്കൂട്ടർ പെട്ടെന്ന് ബ്രേക്കിട്ടു; റോഡിൽ തെന്നി വീണ് യുവാവിന് പരിക്ക്

മലപ്പുറം: പോലീസ് വേഷത്തിലുള്ള നടനെ കണ്ട് യഥാ‍ര്‍ത്ഥ പോലീസ് ആണന്ന് കരുതി സ്കൂട്ടര്‍ പെട്ടെന്ന് ബ്രേക്ക് ചെയ്ത യുവാവിന് റോഡിൽ തെന്നി വീണ് പരിക്ക്.

ഹെൽമറ്റ് ധരിക്കാതെ വന്ന യുവാവ് പോലീസ് പെട്രോളിങ് ആണന്ന് കരുതി സ്കൂട്ടര്‍ ബ്രേക്ക് ചെയ്യുകയായിരുന്നു. പെട്ടെന്ന് നിര്‍ത്തിയപ്പോള്‍ സ്കൂട്ടര്‍ റോഡിൽ നിന്നും തെന്നി മറിഞ്ഞു.

മലപ്പുറം എടപ്പാളിൽ ആണ് സംഭവം. സൂത്രധാരൻ എന്ന സിനിമയുടെ ചിത്രീകരണത്തിനായി നടൻ ഷൈൻ ടോം ചാക്കോ ആയിരുന്നു പോലീസ് വേഷത്തിൽ നിന്നിരുന്നത്.

അപകടത്തിന് പിന്നാലെ ഷൈൻ ടോം ചാക്കോ തന്നെ യുവാവിനെ വണ്ടിയിൽ കയറ്റി അടുത്തുള്ള ആശുപത്രിയിൽ എത്തിച്ചു. ചികിത്സയ്ക്ക് ശേഷം യുവാവിനും സുഹൃത്തുക്കൾക്കും ഒപ്പം സെൽഫിയും എടുത്താണ് നടൻ മടങ്ങിയത്.