പി.സി ജോർജിന് ഹൈക്കോടതിയുടെ നോട്ടീസ്; പീഡനപരാതിയിൽ ജാമ്യം നല്കിയതിനെതിരെ പരാതിക്കാരി സമർപ്പിച്ച ഹർജിയിന്മേലാണ് നടപടി

സ്വന്തം ലേഖകൻ

കൊച്ചി: പീഡനശ്രമക്കേസിൽ ജാമ്യം നൽകിയത് ചോദ്യം ചെയ്ത് പരാതിക്കാരി സമർപ്പിച്ച ഹർജിയിൽ പി.സി ജോർജിന് ഹൈക്കോടതി നോട്ടീസയച്ചു.

പരാതിക്കാരി സമർപിച്ച ഹർജി ഹൈക്കോടതി ഫയലിൽ സ്വീകരിച്ചു. തൻറെ ഭാഗം കേൾക്കാതെയാണ് തിരുവനന്തപുരം മജിസ്‌ട്രേറ്റ് കോടതി ജാമ്യം നൽകിയത് എന്നാണ് പരാതിക്കാരിയുടെ വാദം.

ജോർജിനെതിരെ പ്രധാനപ്പെട്ട വകുപ്പുകൾ പൊലീസ് ചുമത്തിയില്ലെന്നും ഹർജിയിലുണ്ട്. ഹർജി പിന്നീട് പരിഗണിക്കാൻ മാറ്റി.

ജാമ്യം നൽകിയ കീഴ്ക്കോടതി നടപടി തെറ്റാണെന്ന് ചൂണ്ടിക്കാണിച്ചായിരുന്നു പരാതിക്കാരി ഹർജി നൽകിയത്.