പ​ന​മ​രം ഇരട്ട കൊലപാതകം; പ്രതി അർജുനെ കുടുക്കിയത് മൊ​ഴി​യിലെ വൈ​രു​ധ്യം; വീട്ടിൽ കയറിയത് മോഷണത്തിന്; പൂജാമുറിയിൽ ഒളിച്ചത് കണ്ടുപിടിച്ചതോടെ പ്രതി കു​ത്തി​പ്പ​രി​ക്കേ​ൽ​പി​ച്ച് ഓ​ടി ര​ക്ഷ​പ്പെട്ടു

സ്വന്തം ലേഖകൻ

ക​ൽ​പ്പ​റ്റ: പ​ന​മ​രം കൊലപാതകത്തിൽ അയൽവാസിയായ പ്രതി അർജുനെ കുടുക്കിയത് മൊ​ഴി​യിലെ വൈ​രു​ധ്യം. അ​ർ​ജു​നെ നേരത്തെ ചോദ്യം ചെയ്തെങ്കിലും മൊഴികളിൽ വൈരുധ്യമുണ്ടായി. ഇതിന്റെ അടിസ്ഥാനത്തിലാണ് വീ​ണ്ടും ഡി​വൈ​എ​സ്പി ഓ​ഫീ​സി​ൽ എ​ത്തി​ച്ച് ചോ​ദ്യം ചെ​യ്തത്.

ഇതിനിടെയാണ് അർജുൻ പുറത്തേക്ക് ഇറങ്ങിയോടി എലി വിഷം കഴിച്ച് ആത്മഹത്യക്ക് ശ്രമിച്ചത്. കേ​സ​ന്വേ​ഷ​ണ​ത്തി​ൻറെ ഭാ​ഗ​മാ​യി മു​ൻ​കാ​ല കു​റ്റ​വാ​ളി​ക​ള​ട​ക്കം മൂ​വാ​യി​ര​ത്തോ​ളം പേ​രെ പോ​ലീ​സ് ചോ​ദ്യം ചെ​യ്തി​രു​ന്നു. അ​ഞ്ചു​ല​ക്ഷ​ത്തോ​ളം മൊ​ബൈ​ൽ ഫോ​ൺ കോ​ളു​ക​ളും പ്ര​ദേ​ശ​ത്തെ​യും സ​മീ​പ​പ്ര​ദേ​ശ​ങ്ങ​ളി​ലേ​യും 150 ഓ​ളം സി​സി​ടി​വി കാ​മ​റ​ക​ളി​ലെ ദൃ​ശ്യ​ങ്ങ​ളും പ​രി​ശോ​ധി​ച്ചു.

സം​ഭ​വ ​ദി​വ​സം സ​ന്ധ്യ​ക്കു മോ​ഷ​ണം ല​ക്ഷ്യ​മി​ട്ട് വീ​ട്ടി​ൽ ക​യ​റി​ക്കൂ​ടി പൂ​ജാ​മു​റി​യി​ൽ പ​തു​ങ്ങി​യ അ​ർ​ജു​ന​നെ കേ​ശ​വ​ൻ കാ​ണാ​നി​ട​യാ​യി. ഇ​തേ​ത്തു​ട​ർ​ന്നു അ​ർ​ജു​ൻ കൈ​യി​ൽ ക​രു​തി​യി​രു​ന്ന ക​ത്തി ഉ​പ​യോ​ഗി​ച്ചു ദ​മ്പ​തി​ക​ളെ കു​ത്തി​പ്പ​രി​ക്കേ​ൽ​പി​ച്ച് ഓ​ടി ര​ക്ഷ​പ്പെ​ടു​ക​യാ​യി​രു​ന്നു​വെ​ന്നു പോ​ലീ​സ് പ​റ​യു​ന്നു.

വിഷം കഴിച്ചതിനു ശേഷം മേ​പ്പാ​ടി അ​ര​പ്പ​റ്റ വിം​സ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​ തേടിയ അർജുനെ വീ​ണ്ടും ചോ​ദ്യം ചെ​യ്ത​പ്പോ​ഴാ​ണ് ഇയാൾ കു​റ്റ​സ​മ്മ​തം ന​ട​ത്തി​യ​ത്. വ​യ​റി​നും ത​ല​യ്ക്കും വെ​ട്ടും​കു​ത്തു​മേ​റ്റ കേ​ശ​വ​ൻ രാ​ത്രി​ത​ന്നെ മ​രി​ച്ചു. നെ​ഞ്ചി​നും ക​ഴു​ത്തി​നും ഇ​ട​യി​ൽ കു​ത്തേ​റ്റ പ​ദ്മാ​വ​തി പി​റ്റേ​ന്നു മാ​ന​ന്ത​വാ​ടി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലാ​ണ് മ​രി​ച്ച​ത്.

താ​ഴെ നെ​ല്ലി​യ​മ്പ​ത്തു കാ​പ്പി​ത്തോ​ട്ട​ത്തി​ലാ​ണ് ദ​മ്പ​തി​ക​ളു​ടെ ഇ​രു​നി​ല വീ​ട്. രാ​ത്രി നി​ല​വി​ളി​കേ​ട്ട് നാ​ട്ടു​കാ​ർ വീ​ട്ടി​ലെ​ത്തി​യ​പ്പോ​ൾ മു​ൻ​വാ​തി​ൽ തു​റ​ന്നു​കി​ട​ക്കു​ക​യാ​യി​രു​ന്നു. അ​ക​ത്തുനോ​ക്കി​യ​പ്പോ​ഴാ​ണ് ഹാ​ളി​ൽ കോ​ണി​പ്പ​ടി​ക്ക​ടു​ത്ത് സോ​ഫ​യി​ൽ ര​ക്തം​വാ​ർ​ന്നു ക​മി​ഴ്ന്നു​കി​ട​ക്കു​ന്ന നി​ല​യി​ൽ കേ​ശ​വ​നെ ക​ണ്ട​ത്.

തു​ണി മു​റി​വി​ൽ അ​മ​ർ​ത്തി നി​ല​വി​ളി​ക്കു​ക​യാ​യി​രു​ന്നു പ​ദ്മാ​വ​തി. സം​ഭ​വ​സ​മ​യം വീ​ട്ടി​ൽ ദ​മ്പ​തി​ക​ൾ മാ​ത്ര​മാ​ണ് ഉ​ണ്ടാ​യി​രു​ന്ന​ത്. വീ​ടി​ൻറെ മു​ക​ൾ​നി​ല​യി​ൽ​നി​ന്നു ഇ​റ​ങ്ങി​വ​ന്ന മു​ഖം​മൂ​ടി ധ​രി​ച്ച ര​ണ്ടു​പേ​രാ​ണ് അ​ക്ര​മം ന​ട​ത്തി​യ​തെ​ന്നാ​ണ് മ​ര​ണ​പ്പെ​ടു​ന്ന​തി​നു മു​മ്പ് പ​ദ്മാ​വ​തി പ​റ​ഞ്ഞ​ത്. വീ​ട്ടി​ൽ മോ​ഷ​ണം ന​ട​ന്നി​രു​ന്നി​ല്ല. കൊ​ല​യ്ക്കു ഉ​പ​യോ​ഗി​ച്ച ആ​യു​ധം പ്ര​തി​യു​ടെ വീ​ട്ടി​ൽ​നി​ന്നു പോ​ലീ​സ് ക​ണ്ടെ​ടു​ത്തു.

മാ​ന​ന്ത​വാ​ടി ഡി​വൈ​എ​സ്പി എ.​പി.​ച​ന്ദ്ര​ൻറെ നേ​തൃ​ത്വ​ത്തി​ൽ മൂ​ന്നു മാ​സ​ത്തി​ല​ധി​കം നീ​ണ്ട അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​ര​ട്ട​ക്കൊ​ല​യു​ടെ ചു​രു​ള​ഴി​ഞ്ഞ​ത്. മാ​ന​ന്ത​വാ​ടി പോ​ലീ​സ് ഇ​ൻ​സ്‌​പെ​ക്ട​ർ എം.​എം.​അ​ബ്ദു​ൽ ക​രീം, കേ​ണി​ച്ചി​റ പോ​ലീ​സ് ഇ​ൻ​സ്‌​പെ​ക്ട​ർ സ​തീ​ഷ്‌​കു​മാ​ർ, ക​ൽ​പ​റ്റ സൈ​ബ​ർ പോ​ലീ​സ് ഇ​ൻ​സ്‌​പെ​ക്ട​ർ പി.​എ​സ്.​ജി​ജേ​ഷ് എ​ന്നി​വ​ര​ട​ക്കം 41 പേ​ര​ട​ങ്ങു​ന്ന​താ​യി​രു​ന്നു പ്ര​ത്യേ​ക അ​ന്വേ​ഷ​ണ സം​ഘം. മാ​ന​ന്ത​വാ​ടി ഒ​ന്നാം ക്ലാ​സ് ജു​ഡീ​ഷ്യ​ൽ മ​ജി​സ്‌​ട്രേ​റ്റ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.