ബൈക്കിലെത്തി, പെണ്‍കുട്ടിയോട് ഒപ്പം വരാൻ ആവശ്യപ്പെട്ടു; വിസമ്മതിച്ചപ്പോള്‍ കഴുത്തിലും വയറിലും കുത്തി; എഞ്ചിനീയറിങ് വിദ്യാര്‍ഥിനിക്ക് ദാരുണാന്ത്യം

സ്വന്തം ലേഖകൻ

അമരാവതി: ബൈക്കിൽ കയറാൻ വിസമ്മതിച്ച പെൺകുട്ടിയെ കുത്തി കൊലപ്പെടുത്തി. എഞ്ചിനീയറിങ് വിദ്യാര്‍ഥിനിയായ പെൺകുട്ടിയെ ആണ് യുവാവ് കുത്തി കൊലപ്പെടുത്തിയത്.

ആന്ധ്രാ പ്രദേശിലെ ഗുണ്ടൂരിലാണ് സംഭവം. ബൈക്കിലെത്തിയ യുവാവ് പെണ്‍കുട്ടിയോട് വാഹനത്തില്‍ കയറാന്‍ ആവശ്യപ്പെടുകയായിരുന്നു.

ഇത് പെൺകുട്ടി വിസമ്മതിച്ചതോടെ പെണ്‍കുട്ടിയുമായി യുവാവ് വാക്ക് തര്‍ക്കത്തില്‍ ഏര്‍പ്പെടുകയും ഇതിനിടെ കഴുത്തിലും വയറിലും കുത്തുകയുമായിരുന്നു.

ശബ്‌ദം കേട്ട് ഓടിക്കൂടിയ നാട്ടുകാര്‍ പെണ്‍കുട്ടിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സംഭവ സ്ഥലത്തുനിന്ന് കടന്നുകളഞ്ഞ അക്രമിയെ പിന്നീട് പൊലീസ് പിടികൂടി.