വില്പനയ്ക്കായ് സൂക്ഷിച്ച എം ഡി എം എയുമായി യുവാവും യുവതിയും പിടിയിൽ

മട്ടന്നൂർ : ചാലോട് എംഡിഎംഎയുമായി യുവതിയും യുവാവും അറസ്റ്റിൽ. കണ്ണൂർ താവക്കര സ്വദേശി നിഹാദ് മുഹമ്മദ് (29), പാപ്പിനിശേരി സ്വദേശിനാ അനാമിക സുദീപ് (25) എന്നിവരാണ് പിടിയിലായത്.

മട്ടന്നൂർ എസ്‌ഐ ആർ.എൻ. പ്രശാന്തിന്‍റെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത്. നൈറ്റ് പട്രോളിംഗ് നടത്തുന്നതിനിടെ രഹസ്യവിവരം കിട്ടിയതിന്‍റെ അടിസ്ഥാനത്തില്‍ ഇവർ താമസിച്ചിരുന്ന മട്ടന്നൂരിലെ അപ്പാർട്ട്മെന്‍റില്‍ നടത്തിയ പരിശോധനയിലാണ് 0.89 ഗ്രാം എംഡിഎംഎ കണ്ടെത്തിയത്.

എംഡിഎംഎ സ്വന്തം ഉപയോഗത്തിനും വില്പനയ്ക്കുമായി സൂക്ഷിച്ചതാണെന്നാണു പോലീസിനു ലഭിച്ച വിവരം. പിടിയിലായവർ അപ്പാർട്ട്മെന്‍റില്‍ റൂം വാടകയ്ക്കെടുത്ത് താമസിച്ചുവരികയായിരുന്നു. ഇവരെ വിശദമായി ചോദ്യം ചെയ്ത ശേഷം കോടതിയില്‍ ഹാജരാക്കി.