കുമരകം എസ്.കെ.എം ഹയർ സെക്കന്ററി സ്കൂളിലെ 4 അദ്ധ്യാപികമാർ ഔദ്യോഗിക ജീവിതത്തിൽ നിന്നും വിരമിച്ചു

കുമരകം : പതിറ്റാണ്ടുകൾ നീണ്ട അദ്ധ്യാപന ജീവിതത്തിനു ശേഷം എസ്.കെ.എം ഹയർ സെക്കന്ററി സ്കൂളിലെ അദ്ധ്യാപികമാരായ എ.എ ബിന്ദു , ബേബി ജയ , ശ്രീലത , ശ്രീദേവി എന്നിവർ ഔദ്യോഗിക ജീവിതത്തിൽ നിന്നും വിരമിച്ചു. സഹവർത്തകരും, മാനേജ്മെന്റും, പി.റ്റി.എ ഭാരവാഹികളും അടക്കമുള്ളവർ നൽകിയ സ്നേഹാദരങ്ങൾ ഏറ്റുവാങ്ങിയാണ് എസ്കെഎമിന്റെ പ്രിയപ്പെട്ട അധ്യാപകർ സ്കൂളിന്റെ പടിയിറങ്ങിയത്.

ഹെഡ്മിസ്ട്രസ്സ് കെ.എം ഇന്ദുവിന്റെ അദ്ധ്യക്ഷതയിൽ ആരംഭിച്ച യാത്ര അയപ്പ് സമ്മേളനത്തിൽ, ഈ അദ്ധ്യയന വർഷത്തിൽ മരണമടഞ്ഞ പൂർവ്വ അദ്ധ്യാപികമാരായ ഇന്ദിരാദേവി ഉഷാദേവി എന്നിവരുടെ നിര്യാണത്തിൽ അനുശോചനം രേഖപ്പെടുത്തി.

ശേഷം സ്റ്റാഫ് സെക്രട്ടറി പ്രസീത സ്വാഗതം പറഞ്ഞു. തുടർന്ന് വിരമിക്കുന്ന 4 അദ്ധ്യാപികമാർ ചേർന്ന് സ്നേഹദീപം ജ്വലിപ്പിച്ചു. സ്ക്കൂൾ മാനേജർ എ.കെ.ജയപ്രകാശ്, ദേവസ്വം സെക്രട്ടറി ആനന്ദക്കുട്ടൻ, പൂർവ്വ അദ്ധ്യാപകരായിരുന്ന മഹാൻ 1 രഘു , രത്നമ്മ , സഹപ്രവർത്തകർ എന്നിവർ ആശംസകൾ അർപ്പിച്ചു.

വിരമിക്കുന്ന അദ്ധ്യാപികമാർക്കുള്ള സ്നേഹോപഹാരങ്ങൾ ഹെഡ്മിസ്ട്രസ് ഇന്ദു സമർപ്പിച്ചു. തുടർന്ന് വിരമിക്കുന്ന അദ്ധ്യാപികമാർ നടത്തിയ വിടവാങ്ങൽ പ്രസംഗം ഏവരുടേയും കണ്ണുകളെ ആർദ്രമാക്കി. ചടങ്ങിന് സെന്റോഫ് കമ്മറ്റിക്കു വേണ്ടി പുഷ്പരാജ് പി.എസ് കൃതജ്ഞത രേഖപ്പെടുത്തി. തുടർന്ന് ഏവർക്കുമായി സ്നേഹവിരുന്തും ഉണ്ടായിരുന്നു.